Nëse shkon me biçikletë në punë do të paguhesh më shumë

9 Mars 2018, 11:20, Lifestyle CNA

Zelandë e Re: Nga 5 deri në 10 dollarë në ditë. Agjencia e vogël e reklamave Christchurch do të paguajë bonusin në fund të vitit. Një nxitje për të promovuar lëvizjen afatgjatë të qëndrueshme.

Në emër të qëndrueshmërisë mundet të lihen mënjanë rregullat strikte të biznesit. Një kompani në Christchurch, Zelanda e Re, ofron para për punonjësit që do të shkojnë për të punuar me biçikletë. Një nxitje për të lënë makinën në shtëpi, me përfitime të shumta në aspektin e shëndetit, respektit për mjedisin dhe jo më pak fitim ekonomik për ata që zgjedhin të pedalojnë. Qyteti do të jetë më pak i bllokuar, forma fizike do të përfitojë dhe xhepat do të jenë më të mbushur.

Punonjësit me fat të Make Collective, një agjenci e vogël reklamash, do të marrin 5 $ në ditë nëse shkojnë e vijnë nga zyra mbi dy rrota dhe në qoftë se angazhimi do të jetë konstant dhe të zgjasë për më shumë se gjysmën e ditëve të punës ? çmimin do të kalojë në $ 10, të paguar si bonus në fund të vitit.

?Kishte kohë që mendoja se do të ishte mirë për të inkurajuar çiklizmin në një farë mënyre: Unë jam një çiklist i apasionuar dhe paraja është e qartë që është nxitja që funksionon më shumë,? tha për revistën Stuff kreu i agjencisë Tim Chesney. Shpresa është që të inkurajoj një trend afatgjatë, të promovoj një zakon të shëndetshëm dhe të siguroj që përdorimi i biçikletës nuk është vetëm sporadik.

Pengesa e vetme për iniciativën, tha gjithashtu për Guardian, ishte mungesa e dusheve në banjot e firmës, por duke pasur parasysh rritjen e konsiderueshme në rrogë, tashmë pesë nga gjashtë punonjësit e Make, kanë pranuar propozimin me entuziazëm. Dhe pastaj, pranë selisë, ka një palestër, kështu që ata mund të përballojnë gjithashtu një abonim dhe të përdorin tualetet në dispozicion të palestrës.

Në realitet, çmimi për ata që pedalojnë për të lëvizur nëpër qytet nuk është i ri. Stimujt e këtij lloji, edhe pse me shuma më pak të konsiderueshme, kanë ekzistuar për shumë vite në shumë vende evropiane si Franca, Norvegjia, Holanda dhe veçanërisht Belgjika, ku projekti ka qenë aktiv që nga viti 1999: këtu kompanitë mund të vendosin për të dhënë, për ata që shkojnë për të punuar me biçikletë, një rimbursim prej 23 cent për kilometër të përshkuar.

Iniciativa të ngashme, por pa incentivë në para, është përpjekur të ndjekë edhe bashkia e Tiranës. Duke dedikuar ditë të veçanta për lëvizjen me biçikleta, korsi të dedikuara çiklistëve, etj. Por që pak kanë ndikuar në trafikun dhe smogun e Tiranës, një nga qytet më të ndotura në Evropë./CNA