I propozoi të dashurës në koncertin e Albanit, pedagogu rrëfen momentin emocionues

9 Mars 2018, 08:50, Lifestyle CNA

Propozimet për martesë në një çift janë gjithmonë emocionuese dhe shpesh të bëjnë të të mbushen sytë me lot duke përjetuar edhe emocionin e tjetrit.
Kjo ka ndodhur me një çift të dashuruarish në koncertin recital që mbajti këngëtari Alban Skënderaj në fillim të këtij muaji.

I riu pedagog quhet Zenel Bajrami dhe vendosi të propozonte të dashurën e tij Ada Kaloçi, e cila punon si redaktore gjuhësore.

Ata kanë rrëfyer se si i përjetuan emocionet para mijëra spektatorëve.

Zeneli ka treguar në emisionin “Rudina” se ka qenë Albani i cili ka ftuar në skenë fillimisht Bajramin dhe më pas Kaloçin me pretekstin se është shpallur fituese e një shorteu dhe aty të dy kanë përjetuar emocione të forta.

Ai tregoi:

Të gjithë janë surprizuar, madje dhe unë vetë jam surprizuar nga gjithë angazhimi që mora. Ishte krejt e papritur. Arsyeja kryesore ishte se Alban Skënderaj ishte këngëtari i preferuar i Adës dhe i imi. Dhe unë thashë pse jo? Ti bëj një propozim aty ku Ada nuk e pret. Shumë kolegë dhe studentë më pyetën a e njeh Albanin? Ishte thjesht një email ku ne kishim rezervuar biletat dhe kërkohej një video përshëndetëse, ky email i erdhi Adës. Unë mora kontaktin dhe pa u menduar i shkruajta. Nuk dija si do e organizoja, ishte ide e momentit. Nuk e prisja që do merrja një përgjigje pozitive, por të nesërmen më erdhi përgjigjia pozitive, aty më filluan emocionet dhe thashë: Po tani ç?do bëj? Takova stafin e organizatorëve dhe menduam si do ta zhvillonim deri në fund si një surprizë. Ata kishin organizuar një shorte për biletat dhe ne menduam që do ishim pikërisht ne të dy ata që Albani do të ftonte në skenë dhe më pas do më kalonte mua mikrofonin dhe unë do mbaja fjalimin. Ne jemi njohur përmes shoqërisë tonë të përbashkët. Ishin daljet tona të përbashkëta kur sapo isha kthyer nga studimet. Pas 3 vitesh pasi njiheshim filluam të dilnim bashkë dhe kemi qenë në kinema. Aty filloi e gjitha.”
Ndërkohë vajza që i ishte kushtuar gjithë surpriza tha:

Ne ishim në skenë të dy, kishim rezervuar bileta dhe kur është thirrur emri im dhe i Zenelit mendova se do isha fituese e një shorteu për numrin e biletave që kishim rezervuar. Por jo. Gjatë rrugës mendova këtë dhe kur u ngjita në skenë ndodhi çudia. Ne jemi ende me emocione. Shohim videot dhe mendojmë kur ndodhi? Përmes videove që na dërgonin miqtë kemi kuptuar çfarë ndodhi. Albani na dedikoi edhe një këngë por ne nuk e dëgjuam se ishim mbi re.?/CNA