web counter
LEXO PA REKLAMA!

SHKARKO APP

App Store
Google Play

Mashtrim dhe fshehje pasurie/ Policia arreston një shtetas

8 Mars 2018, 17:38, Kronika CNA

Policia e Tiranës ka arritur të vërë në pranga një shtetas me inicialet N.P. pasi akuzohet se ka mashtruar shtetasin A.L., të cilit i ka marrë 65 000 Euro dhe 3 350 000 lekë.

Sipas policisë, N.P. ia ka marrë paratë për blerjen e një apartamenti me sipërfaqe 107.69m2, në zonën e Yzberishtit, apartament të cilin e kishte shitur më parë me kontratë noteriale fiktive në vitin 2013 dhe të rinovuar në vitin 2016, për t’i krijuar besueshmëri klientit.

Po ashtu policia thotë se, ky shtetas nuk ka përpiluar fatura shitjeje tatimore duke kryer transaksione monetare jashtë zyrave të noterit dhe jo me bankë, me qëllim shmangien e deklarimit të të ardhurave.

Në cilësinë e provës materiale të dyshuarit iu sekuestruan:

6 kontrata noteriale si dhe dokumente të ndryshme si certifikata, skica apartamentesh dhe 1 aparat telefoni celular

Theksojmë se ky shtetas është proceduar më parë edhe 5 herë të tjera nga policia për vepra të ndryshme penale.

Materialet proceduriale në ngarkim të shtetasit të mësipërm, i kaluan Prokurorisë pranë Gjykatës së Shkallës së Parë Tiranë, për veprat penale ?Mashtrimi me pasoja të rënda? dhe ?Fshehja e të ardhurave? parashikuar nga nenet 143/2 dhe 180 e Kodit Penal. /CNA.al





Lajmet e fundit nga