web counter
LEXO PA REKLAMA!

SHKARKO APP

App Store
Google Play

Shqipëri-Serbi me certifikata të përbashkëta shoqëruese për produktet

6 Mars 2018, 12:52, Ekonomi CNA

Ministri Niko Peleshi ka pritur sot pranë ambienteve të ministrisë një delegacion serb të kryesuar nga Ministri i Bujqësisë, Pyjeve dhe Manaxhimit të Ujrave Z. Branislav Nedimovi?.

Ministri Peleshi e konsideroi këtë takim shumë të rëndësishëm edhe në kuadër të klimës së mirë të bashkëpunimit mes dy vendeve si bashkëudhëtarë të anëtarësimit në BE.

Nga ana e tij, ministri Peleshi ka përmendur rëndësinë e volumit tregtar që realizohet mes dy vendeve kryesisht për produktet bujqësore, duke i konsideruar këto dy tregje si komplementare dhe me potencial për të shtuar bashkëpunimin edhe më tej.

Më konkretisht, gjatë këtij takimi u ra dakord edhe për ngritjen e një procesi të përbashkët pune për unifikimin dhe harmonizimin e të gjitha certifikatave shoqëruese të produkteve si bimore ashtu edhe shtazore.

Nga ana tjetër Ministri serb Z. Branislav Nedimovi? u shpreh i gatshëm për të çuar përpara me shpejtësi këtë proces.

Pjesë e bisedimit ishte edhe shkëmbimi i eksperiencës për rritjen dhe fuqizimin e produkteve tipike tradicionale, Serbia është një shembull i mirë në rijetëzimin e këtyre produkteve.

Për vitin 2017 eksportet me Serbinë u shtuan me 27.8%, krahasuar me një vit më parë, nga 1.5 mld lekë në 2 mld lekë. Zërat kryesore që ndikuan në këte rritje janë grupi i perimeve (domate, qepë, lakër, kastraveca)./CNA.al

 





Lajmet e fundit nga