E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kush janë 3 fëmijët më të rrezikshëm të planetit dhe vrasjet e tyre të pamëshirshme?

2 Mars 2018, 15:05, Kuriozitete CNA

Kur përmendim fjalën vrasës mund të na shkojë gjithçka në mendje përveç fëmijëve, por pikërisht këta të fundit janë bërë shpesh herë autorë të disa krimeve të paimagjinueshme.

Për fat të keq, historia ka treguar se jo të gjithë fëmijët janë të padjallëzuar dhe paqësor, përkundrazi, ata mund të jenë një rrezik potencial.

Tre fëmijët e mëposhtëm janë ndoshta të miturit më të rrezikshëm në botë dhe kanë kryer vrasje të pamëshirshme.

Jordan Brown

Në 20 shkurt të vitit 2009, 11 vjeçari Jordan Brown vrau të fejuarën e babait të tij e cila ishte 26 vjeç.

Kenzie Houk ishte tetë muajsh shtatzënë në atë periudhë.

Ndërsa Kenzie ishte duke fjetur në krevatin e saj, Brown e goditi me armë në pjesën e pasme të kokës. Sipas “Lajm Shqip”, kjo armë i ishte dhënë nga i ati.

Brown u gjykua fajtor i shkallës së parë si i mitur.

Eric Smith

Në moshën 13 vjeçare, Eric Smith vrau një djalë 4 vjeçar në pyll.

Kjo ndodhi ndërsa ata ishin rrugës duke shkuar për në të njëjtin kamp veror. Smith deklaroi se kishte pësuar tepër ngacmime gjatë jetës së tij.

Ai pretendonte si ishte tallur nga miq dhe familjarë për shkak të fizikut. Ata i thonin se kishte veshë të mëdhenj dhe të ulur, syze të trrasha, quka.

Smith e goditi djalin e vogël me gurë në kokë dhe më pas e mbyti duke e qëlluar me një trung peme.

Ai u dënua për vrasje të shkallës së dytë. Ndodhet në një burg të sigurisë së mesme në New York.

Peter Woodcock

Vrasës serial kanadez dhe përdhunues fëmijësh.

Ka treguar shenja psikopatie që në moshë të hershme.

Ecte me biçikletë nëpër çdo skaj të Torontos për të pikasur viktimat e tij. Woodcock sulmoi shumë fëmijë. Vrau vetëm tre 10 vjeçarë.

Ai i rrihte ato dhe i mbyste. U dërgua në një qendër të sigurisë maksimale të shëndetit mendor.

Më pas atë e dërguan në një objekt me siguri më të ulët. Aty vrau një të burgosur. Për këtë arsye e kthyen sërish në një objekt ku kishte siguri të lartë. Ai nuk u shërua asnjëherë./CNA