web counter
LEXO PA REKLAMA!

SHKARKO APP

App Store
Google Play

E fundit!

x

Vrasja mafioze e Aleksandër Ndokës/ Xhafaj ia kalon "topin" Prokurorisë

17 Shkurt 2018, 13:33, Kronika CNA

Pas Shkodrës, Ministri i brendshëm Fatmir Xhafaj ka zbritur në Lezhë, për të qenë i pranishëm në analizën vjetore.

Xhafaj është shprehur i shqetësuar për situatën kriminale në Lezhë, dhe ka kërkuar që të goditen grupet kriminale që operojnë në atë zonë.

?Krimet të marra për frymë për banorë ne Lezhë, nuk e rendisin këtë qytet si qark pozitiv. Duhet ta bëjmë dallimin qartë. Pritshmëria është më e lartë. Do të goditen të gjitha grupet kriminale. Do godasim asetet e grupeve kriminale?, është shprehur Xhafaj.

Xhafaj ka folur edhe për vrasjet pa autorë, siç është edhe ekzekutimi i Aleksandër Ndokës, vëllait të ish-deputetit të PS-së, Arben Ndoka

?Janë dy ngjarje të tilla që po hetohen edhe me prokurorinë për rezultate konkrete,  për identifikimin e autorëve përgjegjës. Ngelen njerëzit e prokurorisë që të thonë fjalën e tyre?, ka thënë Xhafaj.

Më tej ai ka thënë se nuk është në kompetencat e tij që të paralajmërojë arrestime, por që të orientojë dhe të drejtojë Policinë.

?Unë nuk paralajmëroj arrestime. Jam ministri i Punëve të Brendshme që drejtoj për sa mua më takon, orientoj, policinë. I takon strukturave të policisë, prokurorisë që të marrin masa të duhura intensive që janë duke vepruar me grupe kriminale?, ka thënë Xhafaj.

Numri një i Ministrisë së Brendshme ka hedhur dritë  mbi hetimet për abuzimet që janë me tokat në zonën bregdetare.

Sipas tij shumë shpejt, shkaktarët do të vihen para ligjit.

?Jam i shqetësuar për disa abuzime që janë bërë me tokat këtu, me vijën bregdetare në zonë e Lezhës. Hetimet që janë duke u zhvillur, janë në proces, do të jenë të suksesshme. Besoj fort që shkaktarët e kësaj batërdie do të vendosen para ligjit?, ka  thënë më tej Xhafaj./CNA.al

 





Lajmet e fundit nga