E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Protesta e artistëve dhe pagat e pedagogëve/ Zbardhet kërkesa e Konfederatës së Sindikatave

12 Shkurt 2018, 10:19, Sociale CNA

Konfederata e Sindikatave mbështet protestën e aktorëve kundër projektligjit për Artin dhe Kulturën të hartuar nga Ministria së Kulturës.

?Për ne si Konfederatë e Sindikatave ai është centralizues duke i dhënë pushtet absolut ministrit të Kulturës në emërimin e drejtorëve të institucioneve kulturore, bordeve artistike, krijimin e kolegjiumeve që miratojnë kalendarët dhe projektet artistike.
Kjo është kthim në kohën e errët kur arti dhe kultura ishin vegël e partisë dhe pushtetit?, thuhet në njoftimin e KSSH ?së.

Konfederata e Sindikatave shpreh indinjatën e thellë për sjelljen e Ministres së Kulturës, Mirela Kumbaro, karshi aktorit, Robert Ndrenika, me kontribute të jashtë-zankonshme në artin shqiptar.
Sipas KSSH ?së, Ministrat do vijnë dhe ikin por vepra e këtyre artistëve është aset kombëtar që inspiron breza dhe mban gjallë artin dhe kulturën në këtë tokë.
KSSH ndërkohë kundërshton edhe projektin për zhvendosjen e Teatrit Kombëtar.

?Ky institucion është i një rëndësie të veçantë dhe është absurde që zhvendosja e tij të bëhet pa miratimin e aktorëve, të cilët kanë një jetë që kontribuojnë për ngritjen dhe konsolidimin e këtij institucioni.
Nuk mund të vendosen interesat meskine te një grupi biznesmenësh përpara kontributit të aktorëve shqiptare që i kanë dhuruar këtij populli emocione të pafundme.
Konfederata e Sindikatave bashkohet edhe me shqetësimin e pedagogëve që kanë mbi një javë që nuk marrin pagat.

Ministria e Arsimit krahas keqardhjes duhet të vihet në lëvizjes dhe brenda ditës së sotme duhet të bëjë të mundur kalimin e pagave për pedagogët.
Mos kalimi i pagës për pedagogët është tregues i mungesës së seriozitetit të shtetit shqiptar?, thuhet më tej në reagimin e KSSH ?së.

Konfederata Ndërkombëtare e Sindikatave pak ditë më parë pas ngritjes së shqetësimit në KSSH i bëri apel qeverisë Rama të punojë më sindikatat në kuadër të dialogut Social.

Sekretarja e Përgjithshme e Konfederatës Botërore të Sindikatave ITUC znj. Sharon Burroë i kërkoi qeverisë Shqiptare të rikthejë Këshillin Kombëtar të Punës në një kohë kur papunësia mbetet problem kryesor i qeverisë shqiptare.
Konfederata Ndërkombëtare e Sindikatave ngrin shqetësimin se qeveria shqiptare nuk po ushtron kujdesin e duhur karshi shtresave në nevojë./CNA.al