web counter
LEXO PA REKLAMA!

SHKARKO APP

App Store
Google Play

E fundit!

x

Përmbytjet në Fier/ ZGJIDHJA denoncon qëndrimin e qeverisë

5 Shkurt 2018, 21:36, Aktualitet CNA

ZGJIDHJA në një postim në rrjetet sociale, ka denoncuar përmbytjen e fshatrave të Fierit, të cilët me dy ditë shi janë përmbytur sërish, ende pa u stabilizuar gjendja nga përmbytjet e dhjetorit.

ZGJIDHJA shkruan se qeveria vete aty çdo ditë me taksidarët e saj për ujin, energjinë dhe sahatët e puseve, ndërsa nuk bën asnjë përpjekje që situata të mos përsëritet.

Postimi i plotë:

Përmbytje dhe taksidarë

Banorët e Ferrasit në Fier dhe të shumë fshatrave të tjerë në Ultësirën Perëndimore, prej dy ditësh zgjohen sërish të përmbytur plotësisht. Ende pa u tharë nga shiu i dhjetorit 2017, banesat, pronat, gjëja e gjallë, prodhimet dhe bizneset e tyre u shkatërruan sërish prej një shiu të zakonshëm dimri. Qeveria nuk luajti as gishtin prej përmbytjes së dhjetorit. Jo vetëm nuk shpalli gjendjen e jashtëzakonshme, që të ndihmonte me buxhetin e shtetit familjet e dëmtuara, por as nuk mori asnjë masë që uji të mos përmbyste sërish fushat. Qeverisja u krenua me ditë-netët pa gjumë të ushtarëve të thjeshtë nga Shqipëria dhe Kosova, që ndihmuan banorët e përmbytur dhe ndihmat bujare që dhanë bizneset në të dyja vendet për fermerët e falimentuar. Ajo po pret të pushojë shiu, që uji të tërhiqet vetë dhe ministrat dhe kryeministri të shkojnë në ndonjë familje bashkë me kamerat për të treguar “ndihmën e madhe” që po u jep sërish qeveria. Qeveria vjen aty çdo ditë me taksidarët e saj për ujin, energjinë dhe sahatët e puseve.

ZGJIDHJA është e vetmja forcë politike që do transferojë sovranitetin te populli, do të bëjë qeverinë e qytetarëve dhe do t?u japë fund katastrofave të tilla, paaftësisë dhe papërgjegjshmêrisë vrasëse, mjerimit, varfërisë, padrejtësisë, shtypjes së pamëshirshme dhe shpopullimit të vendit.

ZgjidhjaPërQytetarët /CNA.al

 





Lajmet e fundit nga