web counter
LEXO PA REKLAMA!

SHKARKO APP

App Store
Google Play

Demarkacioni dhe Gjykata Speciale/Lojë ping-pongu midis Qeverisë dhe Kuvendit

26 Janar 2018, 15:53, Aktualitet CNA

Frika nga pasojat e vendimeve eventuale ka bërë që Qeveria dhe Kuvendi i Kosovës, t?ia delegojnë njëra-tjetrës përgjegjësinë për dy nga çështjet më të rëndësishme, të cilat kanë ndikuar në raportet ndërmjet drejtuesve institucionalë dhe faktorëve ndërkombëtarë.

Në dhjetor të vitit të kaluar, Qeveria e Kosovës ia ka proceduar Kuvendit Marrëveshjen për shënjimin e vijës kufitare me Malin e Zi, të njohur si ?demarkacioni?, duke ia bashkangjitur edhe raportin e Komisionit të ri Shtetëror për këtë çështje.Kjo pasi kryeministri Ramush Haradinaj ka theksuar se është kundër ratifikimit të marrëveshjes aktuale.

Në anën tjetër, Kryesia e Kuvendit të Kosovës, më 22 janar, kërkesën e 43 deputetëve për shfuqizimin e Ligjit për Dhomat e Specializuara dhe Zyrën e Prokurorit të Specializuar, që njihet si Gjykata Speciale, ia ka dërguar Qeverisë së Kosovës, për të dhënë mendimin përfundimtar.

Njohësit e zhvillimeve politike, veprimet e Qeverisë dhe Kuvendit, i kanë cilësuar si ?lojë pingpongu? me dy temat, siç i kanë quajtur ata, ?më të nxehta politike?, me qëllim që të blejnë blejnë kohë deri në momentin kur të detyrohen të marrin vendime.

Ndodh kjo ndërkohë që mosratifikimi i Marrëveshjes për Demarkacionin me Malin e Zi mbetet një nga dy pengesat kryesore që kanë lënë Kosovën pa liberalizim të vizave, kurse shfuqizimi i Ligjit të Gjykatës Speciale rrezikon perspektivën e të ardhmes europiane të vendit, citon agjencia ?Rel?.





Lajmet e fundit nga