web counter
LEXO PA REKLAMA!

SHKARKO APP

App Store
Google Play

E fundit!

x

Çfarë do të ndodhë me 28 janar?

22 Janar 2018, 12:23, Aktualitet CNA

Kryetari i PD, Lulzim Basha së bashku me kryetaren e LSI, Monika Kryemadhi me datë 27 janar do të organizojnë një protestë para kryeministrisë.

Protestuesit do të mblidhen në selitë përkatëse dhe më pas do të marshojnë nga sheshi ?Skënderbej? në drejtim të Bulevardit. Protesta pritet që të zgjasë deri në 4 orë.

I fundit fjalimin do ta mbajë Basha, ndërsa para tij Monika Kryemadhi dhe  drejtues të dy partive. Opozita do të denoncojnë sipas saj skandalet qeveritare, ndërsa kërkon largimin e Ramës, pasi sipas tyre ka ardhur me vota të vjedhura dhe të blera nga krimi e droga.

Shumë mirë që protestojnë. Është e drejta e çdo qytetari të protestojë për çdo ankesë apo pakënaqësi ndaj qeverisë, për ekonominë, korrupsionin, krimin, etj.

Por të protestosh me LSI, e cila ende nuk ka ftohur karriget e pushtetit është imorale. Protestën duhet ta organizonte PD, e cila ka katër vite në opozitë. Nëse LSI do donte ti shkonte pas le ta bëjë, por jo PD të bashkohet në koalicion me LSI, kur kjo e fundit ka 8 vite rrjesht në pushtet dhe vetëm disa muaj në opozitë.

Por, çfarë do të ndodhë me 28 janar?

Me 28 janar është ditë e diel, pra ditë pushimi, asgjë nuk do të ndodhë. Vetëm me shumë gjasa kreu i PD, do të flasë në telefon me kryeministrin Rama për të bërë pazaret e radhës.

Nëse në protestë mblidhen shumë njerëz maksimumi do të zhvillohet dhe një protestë tjetër në shkurt, dhe asgjë më shumë.

Shqiptarët do të vazhdojnë të jenë po aq të varfër dhe të pashpresë, njëlloj si dhe para 27 janarit. Sërish nuk do kenë më shumë shkolla, sërish nuk do ju rriten rrogat, sërish nuk do kenë spitale, sërish krimi do i vrasë çdo ditë, etj./ CNA.al





Lajmet e fundit nga