E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Pesë emrat e propozuara nga OKB për emrin e ri të Maqedonisë

18 Janar 2018, 21:32, Aktualitet CNA

Republika Nova Makedonija( Republika e Maqedonisë së Re), Republika Severna Makedonija (Republika e Maqedonisë Veriore), Republika Gorna Makedonija (Maqedonia e Sipërme), Republika Vardarska Makedonija( Republika e Maqedonisë së Vardarit) dhe Republika Makedonija Shkup ( Republika e Maqedonisë Shkup) janë pesë emrat e paraqitur nga i derguari special i Sekretarit të Përgjithshëm të OKB, Matthew Nimetz për ndryshimin e emrit të Maqedonisë. Propozimet janë bërë në takimin e mbajtur në Neë York për ti dhenë një zgjidhje këmbënguljes së Greqisë për ta ndryshuar emrin e Maqedonisë.

Ky mosndryshim është edhe shkaku i acarimit të marrëdhenieve midis dy shteteve, sidomos gjatë periudhës së qeverisjes së Maqedonisë nga qeveria e Nikolla Gruevskit. Me ardhjen e Zoran Zaevit në krye të qeverisë kanë nisur dhe bisedimet lidhur me kete teme te nxehtë, duke shkrirë akujt e marrëdhënieve të derisotme.

Ndërmjetësimi i OKB-së synon pikërisht dhënien e ndihmës për ta tejkaluar njëherë e mirë konfliktin e rrjedhur nga emri.

Referuar kësaj teme të nxehtë dhe propozimeve të bëra në Neë York media e shtypi grek vlerëson se emërtimet e reja janë të gjitha në gjuhën sllave.

Të gjitha këto propozime kanë emërtimin Maqedoni, gjë që është kundërshtuar nga aleatët në qeveri të kryeministrit grek Alexis Tsipras, raporton Klan duke ju referuar një përmbledhjeje të medias greke. Në diskutime u përfshi gjithashtu edhe termi që do të përdoret për shtetësinë e qytetarëve të Maqedonisë, nëse do të përdoret emërtimi sllav ?makedonska? apo ?shtetësia e Republikës së Maqedonisë së Re? .

I dërguari special i Sekretarit të Përgjithshëm të OKB që është angazhuar për këtë çështje, Nimetz ka thënë se përdorimi i termave duhet të jetë i njëjtë dhe do të zbatohet si për organizatat ndërkombëtare ashtu edhe për marrëdhëniet dy palëshe të Maqedonisë. Nuk ishte e qartë nëse Nimetz ka propozuar ndryshim të emrit kushtetues, por shtypi grek shkruan se nuk përjashtohet as mundësia që në Maqedoni të mbahet një referendum për miratimin e emërtimit të ri që do të përzgjidhet./CNA.al