web counter
LEXO PA REKLAMA!

SHKARKO APP

App Store
Google Play

Gjykata shemb shtëpinë me leje dhe hipotekë

17 Janar 2018, 21:54, Aktualitet CNA

Fiks Fare denoncoi sonte sesi gjykata lejoi shembjen e një shtëpie me dokumente të rregullta, duke pretenduar se ndërtesa nuk do të shembet, pasi nuk ka asnjë vendim shembjeje. Qytetari Haxhi Nelaj denoncoi në Fiks Fare se që në vitin 2000 kishte blerë truall nga bashkia e Sarandës, kishte nxjerrë leje të rregullt dhe kishte ndërtuar shtëpinë, të cilën e kishte regjistruar në hipotekë.

Duke u nisur nga ky fakt, përmbaruesi Gentian Frangu deklaroi për Fiks Fare se vendimi i gjykatës së shkallës së parë nuk e ndalonte për të prishur ndërtesën. Sipas tij, lirim e dorëzim sendi do të thotë që të lirohet nga çdo subjekt ose objekt që është i vendosur në këtë pronë. I pyetur për argumentin e përdorur nga gjykata se vendimi nuk thotë të shembet ndërtesa, ai deklaron se vendime të tilla ekzekutohen në këtë mënyrë dhe që nëse do të ketë të drejtë familja që i është shembur banesa, atëherë do e mbajë ai përgjegjësinë dhe do të paguajë dëmin e shkaktuar.

Pra vendimin e Apelit në Gjirokastër, ndryshe e lexon gjykata e Sarandës dhe ndryshe përmbaruesi, pasi gjykata thotë se nuk do shembet objekti, prandaj refuzoi pezullimin për ndërhyrjen e përmbarimit, ndërsa përmbaruesi e shemb shtëpinë dhe dorëzon truallin te pala tjetër.

 

 

 

 

 

 

 

 

 

 

 

 

 

 





Lajmet e fundit nga