web counter
LEXO PA REKLAMA!

SHKARKO APP

App Store
Google Play

E fundit!

x

Qeveria diskriminon ish të përndjekurit/ Pezullohen fondet për kompesimin e tyre

16 Janar 2018, 11:54, Aktualitet CNA

Qeveria ka anuluar  kompensimin e trashëgimtarëve të  ish të përndjekurve.

Lajmi është bërë i ditur nga Ministri i Financave dhe Ekonomisë Arben Ahmetaj, cili ka bërë krahasime mes shtresës më të përvuajtur siç janë ish të përndjekurit dhe veteranët apo njerëzit që i kanë denigruar dhe tortuar ish të përndjekurit.

Qeveria ka përfunduar dhënien e të gjitha kësteve për ish të përndjekurit politikë të cilët janë ende gjallë, por për fëmijët e atyre që nuk jetojnë më i ka pezulluar fondet.

Ministri i Financave dhe Ekonomisë Arben Ahmetaj, ka thënë se fondi tashmë është ngrirë deri në miratimine një modeli të ri për përfitimin ose jo të trashëgimtarëve.

?Qeveria ka një këndvështrim të ri që do t?ua paraqesë për përfituesit trashëgimtarë.  Përfitojnë vetëm trashëgimtarët e rreshtit të parë apo nuk përfitojnë më trashëgimtarët si dhe tek veteranët e luftës. Tek veteranët e luftës nuk përfiton asnjë trashëgimtarë?, ka thënë Ahmetaj.

Ky krahasim mes veteranëve  dhe ish të përndjekurve  është diskrimim për këta të fundit.

Shtresa e ish-të dënuarve dhe të përndjekurve politikë, pothuajse për gati një gjysëm shekulli, iu nënshtrua sharjeve, fyerjeve, denigrimeve, rrahjeve, burgjeve politike, dëbimeve, internimeve, pushkatimeve pa gjyq e me gjyqe të sajuara dhe tani që koha për të cilën ata ëndërruan dhe sakrifikuan ?erdhi?, por i njëjti diskriminim rrezikon të përsëritet.

As dëmshpërblim material, as moral dhe as integrim të tyre do të thotë që të përsëritet historia. Fëmijët e ish të përndjekurve të kalojnë të njëjtin kalvar vuajtjesh si paraardhësit  e tyre.

Në total nga Qeveria  është miratuar një fond prej 8.15 miliardë lekë, gati 80 milionë dollarë dhe janë disbursuar 8.07 miliardë lekë, por për momenin ka pezulluar dhënien e tyre./CNA.al

 





Lajmet e fundit nga