web counter
LEXO PA REKLAMA!

SHKARKO APP

Tahiri ka gënjyer për lidhjet me Habilajt/ Ja provat e reja

15 Janar 2018, 10:45, Aktualitet CNA

Në një dalje për mediat paraditen e sotme, deputeti i PD, Enkelejd Alibeaj ka deklaruar se ish-ministri i Brendshëm, Saimir Tahiri ka gënjyer kur ka deklaruar se nuk ka lidhje me bandën e Habilajve.

Alibeaj ka depozituar në prokurorinë e Krimeve të Rënda një dokument, i cili sipas tij jep të tjera detaje nga lidhja e pretenduar mes Tahirit dhe Habilajve.

Sipas deputetit demokrat, dokumenti fakton qartësisht bashkëpunimin mes ish-ministrit Tahiri dhe një prej anëtarëve të bandës së Habilajve, Artan Habilaj.

Alibeaj ka paraqitur një policë sigurimi të makinës Audi të famshëm të ish-ministrit, i cili ju shit Habiljave dhe është përfolur se u përdor për trafik droge.

Sipas deputetit të PD, polica e sigurimit tregon dy emra të përdoruesve të kësaj makine, Saimir Tahiri dhe Artan Habilaj, duke treguar. Ai theksoi se dokumenti mban datën 2 prill 2015, deri me 2 prill 2016, gjë që sipas Alibeaj tregon vijimin e bashkëpunimit./ CityNews





Lajmet e fundit nga