web counter
LEXO PA REKLAMA!

SHKARKO APP

App Store
Google Play

Nuk pranon ndarjen/ 46-vjeçari i shkatërron pronën ish të dashurës

15 Janar 2018, 14:47, Aktualitet CNA

Një 46-vjeçar është ndaluar nga Policia e Elbasanit, pasi dyshohet se ka përndjekur dhe shkatërruar pronën e ish-të dashurës së tij, 27-vjeçare me inicialet Z.K.

Nga të dhënat e para mësohet se ngjarja ka ndodhur gjatë orëve të natës, ku dyshohet se shtetasi A.S. 46 vjeç, ka dëmtuar makinën e Z.K. pasi ajo nuk kishte pranuar që të dilte për ta takuar. 27-vjeçarja është njoftuar në mëngjes për atë që kishte ndodhur nga fqinjët e aj, e për rrjedhojë ka bërë denoncimin në polici.

Refuzimi si duke ka qenë shkaku që ka çuar në ngjarjen e ndodhur, ndërsa mësohet se gjatë ditës së shtunë, ata janë konfliktuar nëpërmjet telefonit, pasi ai i kërkonte asaj të dilte nga banesa dhe të takoheshin. Vajza nuk ka pranuar ta takonte atë e për rrjedhojë dyshohet se ai gjatë natës ka marrë makinën e tij dhe ka goditur për hakmarrje atë të 27- vjeçare.

Policia pas denoncimit dhe dyshimeve mbi 46-vjeçarin, ka ushtruar një kontroll në shtëpinë e këtij të fundit, ku ka gjetur një armë zjarri automatik dhe 126 fishekë model 56 kalibër, 7.62 mm.

Ndaj 46-vjeçarit rëndojnë akuzat, ?Përndjekja?, ?Shkatërrimi i pronës? dhe ?Prodhimi dhe mbajtja pa leje e armëve luftarake dhe e municionit?, ndërsa materialet e rastit u referuan në Prokurorinë e Elbasanit për veprime të mëtejshme. /CNA.al





Lajmet e fundit nga