web counter
LEXO PA REKLAMA!

SHKARKO APP

App Store
Google Play

Mediu thirrje Kuvendit: Të korrigjohet gabimi me Prokurorinë e Përgjithshme

15 Janar 2018, 16:27, Aktualitet CNA

Deputeti i dalë nga “Lista Basha”, njëherësh kryetari i Partisë Republikane, Fatmir Mediu, ka marrë fjalën në Kuvendin e Shqipërisë, me një urim që drejtësia dhe kushtetueshmëria të kthehet në sallën e Kuvendit, dhe ajo ashtu siç u mbyll ajo me zgjedhjen Arta Markut, të cilën e quajti një zgjedhje në një frymë jokushtetuese.

Ai u shpreh se duhet të kthehet rendi kushtetues, ku rregulli të vendoset nga Kushtetuta dhe rregullorja e jo nga Garda, siç ndodhi në 2010.

“Kuvendi është i qytetarëve, e jo i qeverisë, e cila po e kontrollon Kuvendin.

Të gjithë të mbajmë qëndrim ky kuvend nuk mund të jetë i Gardës së Republikës, dhe që rregullin të mos e vendosin ligjet dhe vendimet por Garda e Republikës, siç ndodhi në dhjetor.

Uroj që si deputetë të kuptohet roli që kemi, si përfaqësues të qytetarëve. Kushtetua mbron qytetarët, dhe çdo gjykim apo debat rreth kushtetueshmërisë kërkon gjykim dhe vëmendje të madhe. Ose do të ketë raste si ai i dhjetorit me zgjedhjen antikushtetuese të Arta Markut.

Jemi këtu për të respektuar Kushtetutën. Veprimet apo mos veprimet tona në këtë vit përfaqësojnë qartësisht të ardhmen tonë Evropiane.”, – tha ndër të tjera Mediu.

Ai bëri thirrje ta fillojmë duke rregulluar atë që u bë me Prokurorinë e Përgjithshme në seancën e fundit të dhjetorit. /CNA.al





Lajmet e fundit nga