E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Dy denoncime në Kuvend/ Berisha propozon rezolutën e llum-kazanit

15 Janar 2018, 17:17, Aktualitet CNA

Ish-kryeministri i vendit Sali Berisha, mori fjalën në seancën e Kuvendit, ku sulmoi ashpër kreun e qeverisë, Edi Rama, lidhur me fyerjet ndaj medies dhe gazetarëve.

Teksa solli në sallë dy denoncime, Berisha kërkoi të futej në program rezolutën e propozuar nga Berisha, rezolutë kjo e quajtur si “llum-kazan”, për të ndaluar këdo që mban postin e kreut të ekzekutivit, që të sulmojë dhe ofendojë median.

Berisha tha:

“Jam këtu para jush, për të denoncuar qëndrimin banditesk, të turpshëm, skizoidë të kreut të ekzekutivit shqiptari, i cili si askush në faqen e dheut, si askush tjetër në planet, kalon para një grupi njerëzish dhe i thotë mirëmëngjes kazan.

Kjo fyerje kolektive, ndaj një grupi vajzash e djem që bëjnë informimin e publikut, përbëjnë një prej akteve më të pashembullta, të paranojës, skizës dhe kulturës Staliniste.

Të vërsulesh para medias me fjalën kazan, do të thotë se ke zgjedhur fyerjen më të rëndë dhe se kafshërisht nuk kënaqesh me etiketimin e një nga përmbajtjeve më të rënda, por do të vërsulësh mbi ta çdo përmbajtje që ka kazani.”, tha Berisha ndërsa shtoi se, “Kam kërkuar një rezolutë që do të titullohet rezoluta e llum kazanit, që do të dënojë çdokënd që mban postin e kreut të ekzekutivit, dhe përdor këtë post për të sulmuar medien.”

Më tej ai u shpreh se, “Përveç kësaj kemi para një akt të shëmtuar, kur një gazetare pati kurajon të denoncojë Olsi Ramën si pjesë e Xibrakës, llum-kazani, i dërgon mesazherin famëzi Gaz Demi për ta kërcënuar, ath asaj i pritet rroga si të ishte në Korenë e Veriut.”

Në përmbyllje të fjalës së tij, Berisha u shpreh: “Kërkoj futjen në rend të ditës rezolutën e llum-kazanit, për fjalën e lirë.” /CNA.al