web counter
LEXO PA REKLAMA!

SHKARKO APP

App Store
Google Play

Pas politikës avokati sulmon dhe medien: Nuk e do reformën në drejtësi

9 Janar 2018, 20:59, Aktualitet CNA

Avokati njëherësh kryetari i Partisë Ligj dhe Drejtësi, Spartak Ngjela, ka vijuar me sulmet e tij kundrejt klasës politike, të cilën e fajëson për gjendjen në të cilën ndodhet vendi.

Me anë të një postimi në rrjetet sociale, Ngjela shprehet se krahas të ashtuquajturës elitë politike edhe elita mediatike nuk e do reformën në drejtësi, e kësisoj që të dyja me format e veta po e sulmojnë atë.

Sipas tij Shqipëria në këto 20 vitet e fundit, do të ketë një njollë turpi për shtypin dhe median në përgjithësi, sepse të gjithë me përjashtime të vogla, nuk kanë qenë në përkrahje të reformës.

“Shqipëria, në këta njëzet vjetët e fundit, si histori, do të ketë një njollë të turpshme për shtypin dhe median në përgjithësi, sepse që të gjithë, me përjashtime të vogla, nuk ishin në përkrahje të Reformës në Drejtësi, edhe pse e dinin shumë mirë që kjo ishte një ndërmarrje ndërkombëtare perëndimore, e gjitha në fovor të shqiptarëve. Kjo tregon se në Shqipëri sot nuk ka intelektualizëm të nivelit perëndimor, prandaj dhe opinioni publik shqiptar ndihet se është i tulatur dhe i lodhur nga mosbesimi.

Por, në thelb gjykimi është ky: as elita politike, dhe as ajo e ashtuquajtur elitë mediatike, nuk e duan Reformën në Drejtësi, prandaj secili e luftonme metodën e vet. Por kjo nuk i prish fare punë kohës, e cila tani po bën dorëzimet. Por, nëse kjo kohë po bën dorëzimet në lidhje me të korruptuarit e të gjitha planeve; çfarë do të sjellë më pas?”, – shkruan Ngjela.

Më tej ai shprehet se gjendja do të ndryshojë pas ndërhyrjes së Gjermanisë dhe Uashingtonit. /CityNews





18:58 Aktualitet

GISHTI I MESIT

Nga ZEF ZEFINuk është iluzion optik as paradoks, ta përfytyr...

Lajmet e fundit nga