web counter
LEXO PA REKLAMA!

SHKARKO APP

E fundit!

x

Furtuna në prokurori/ Largohet një tjetër mbështetës i Llallës

9 Janar 2018, 10:11, Aktualitet CNA

Një tjetër lëvizje është bërë sot nga kryeprokurorja e përkohshme Arta Marku në organin e akuzës.

Arta Marku ka larguar nga detyra edhe kreun e prokurorisë së Elbasanit Dritan Gina, i cili njihet si një mbështetës dhe krah i djathtë i ish-kryeprokurorit Adriatik Llalla.

Dritan Gina është bashkëshorti i prokurores Rovena Gashi, e cila gjithashtu është shkarkuar nga kryeprokurja Marku nga pozicioni i kreut të Njësisë së Dekriminalizimit në Prokurorinë e Përgjithshme.

Dritan Gina u komandua në Elbasan në 3 nëntor të 2016 me urdhër të Adriatik Llallës në vendin e Besnik Canit, i cili u emërua prokuror në Tiranë. Dritan Gina para se të komandohej në Elbasan ka qenë prokuror në Durrës.

Lirimi i Dritan Ginës erdhi vetëm pak pas padisë, që Rovena Gashi dorëzoi sot në Gjykatën Administrative duke kërkuar pezullimin e vendimit për shkarkimin nga detyra./ CityNews





Lajmet e fundit nga