E fundit!

07:51 Kosova & Bota

Cilat vende të BE-së luftojnë hendekun e pagave?/ Rregullat e reja të transparencës e ndajnë bllokun

Vetëm katër vende të BE-së e kanë zbatuar Direktivën e BE-...

Tre vjet në krye të Policisë së Shtetit/ Skandalet që e shoqëruan Haki Çakon

8 Janar 2018, 12:01, Aktualitet CNA

Sot me propozim të ministrit të Brendshëm, Fatmir Xhafaj, Këshilli i Ministrave ka miratuar lirimin nga detyra të drejtorit të përgjithshëm të Policisë së Shtetit, Haki Çako.

Në kohën që Çako ka qënë në krye të Policisë së Shtetit, skandale të njëpasnjëshme e përfshinë policinë.

Çako e drejton Policinë e Shtetit prej më shumë se dy vitesh. Ai ka qenë në krye të Drejtorisë së Përgjithshme të Policisë kur Shqipëria u mbulua me drogë. Të gjithë drejtorët e policive në qarqe kanë ikur, ndërsa i vetmi që nuk u shkarkua ishte Haki Çako.

Por, pas skandaleve në policinë e shtetit, policë të shpallur në kërkim dhe eksponentë të rëndësishëm të policisë të përfshirë në trafikun ndërkombëtarë të drogës, sot Cako është liruar nga detyra.

Një skandal tjetër gjatë kohës që Çako ka qënë në krye të policisë së shtetit është edhe skandali i përgjimeve me IMSI CATCHER.

Në qershor të vitit 2016, drejtori i Përgjithshëm i Policisë së Shtetit, Haki Çako u pezullua nga detyra për skandalin e përgjimeve me IMSI CATCHER. Pajisja e përgjimit dyshohet se u përdor nga policia në mënyrë të paligjshme, për përgjime, por pas apelimit të vendimit, Haki Çako është rikthyer në detyrë.

Ai është rikthyer në detyrë nga Gjykata e Apelit. Trupa gjykuese përbërë nga Marie Qiriazi dhe anëtarët Fiqirete Mullai dhe Ervin Metalla vendosen në favor të kryepolicit, duke rrezuar vendimin e shkallës së parë, që vendosi pezullimin e tij nga detyra.

Kujtojmë këtu se pas këtyre skandaleve, Haki Çako është akuzuar shpesh nga opozita për lidhje me trafikun e drogës.

Rreth dy muaj më parë CityNews paralajmëroi shkarkimin e Çakos.

Në një shkrim që mban datën 25 nëntor të vitit që lamë pas, CityNews raportoi se numri një i Policisë së Shtetit, i ka paraqitur dorëheqjen kryeministrit Edi Rama, por ky ende se ka pranuar.

Haki Çako është emëruar drejtor i përgjithshëm i Policisë së Shtetit, në prill të vitit 2015, me propozim të ish-ministrit të Brendshëm, Saimir Tahiri./ CityNews

Zbardhen emrat / Ja, cilët janë kandidatët që mund të zëvendësojnë Çakon