web counter
LEXO PA REKLAMA!

SHKARKO APP

App Store
Google Play

E fundit!

x

Austri, fillon gjyqi ndaj terroristit shqiptar 18 vjeçar

7 Janar 2018, 13:20, Aktualitet CNA

Lorenc K. shtetas austriak, i biri i dy prindërve shqiptarë në janar 2017 u arrestua në Aeroportin e Vjenës, ndërsa po bëhej gati të fluturonte për në Stamboll e më pas në territoret e kontrolluara nga ISIS-i.

Lorenci akuzohet se nëpërmjet mediave sociale ka radikalizuar një 12 vjeçar në Gjermani. Lorenci e ka bindur atë të shndërrohet në kamikaz në shërbim të terroristëve të Daesh-it. 12 vjeçari tentoi të hidhte në erë një treg kioskash me mallra për Krishtlindje në qytetin e Ludwigshafen, por nuk arriti ta shpërthejë dot bombën e ndërtuar në kushte artizanale, duke shmangur kështu një kasaphanë të tmerreshme.

Lorenci rrezikon deri 15 vite burg për pjesëmarrje në organizatë terroriste me qëllim kryerjen e vrasjeve masive dhe shkatërrimin e pronës me lëndë plasëse.

Prindërit e Lorencit nuk ishin myslymanë praktikantë, por Lorenci, ndërsa vuante dënimin në burg për një grabitje me armë të kryer në qytetin austriak Wiener Neustadt, ra nën ndikimin e predikuesve radikalë islamikë brenda ambienteve të burgut.

Fati i Lorencit është tipik, ndonëse jo më i dhimbshmi, për ata të rinj shqiptarë, që bien pre e agjitatorëve ekstremistë dhe shndërrohen nga njerëz normalë në terroristë të gatshmë për të kryer cdo lloj krimi. /Gjergj Thanasi

http://ww.heute.at/oesterreich/niederoesterreich/story/Anklage-gegen-Bubibomber-fertig–Er-war-Hardliner-59097096

 





Lajmet e fundit nga