E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Tirana vitin 2018 e filloi me Stalin njëlloj si vitin 1988

5 Janar 2018, 14:44, Aktualitet CNA

Në këto dy foto të viteve 1988 dhe 2018 kemi Stalinin si monument dhe si datëlindje. E lemë në çmimin e lexuesit për të qenë pro apo kundër me komentin tonë të më poshtëm për këto dy foto, që dëshmojnë turpin e klasës politike shqiptare këto 30 vitet e fundit!

Vitin 1998 Tirana e filloi me buste e monumente të Stalinit, që nga Bulevardi Deshmorët e Kombit e deri te Kombinati i tekstileve Stalin. Në atë kohë, kur Gorbacovi edhe më fort se Hrushovi në vaktit lejonte në kuadrin e Perestrojkës denoncimin e krimeve të përbindshme të Stalinit, në Tiranë bëheshin konferenca anti perestrojkë, ku ndër të tjera lavdërohej deri në jargavitje krimineli gjeorgjian me emrin Stalin. Më pas vetë diktatori Alia, natën e 20 dhjetorit 1990 hajdutshe, dhelpërisht, natën i hoqi bustet e emrat e Stalinit në Shqipëri. Ky lajm i dhënë nga RTSH-ja në emisionin e orës 20-të bashkë me dorëheqjen e sorrës së zezë nga kryetare e Frontit Demokratik ishte një nga të paktet sinjale shprese, që na erdhën në birucat e Durrësit në ato ditë të zymta, por dhe të stuhishme të dhjetorit 1990. Në kohën e Stalinit të vitit 1988 në Tiranë sekretar i parë ishte sh. Pirro Kondi, vëllai i shoqes Vito dhe kunat i të ndjerit sh. Hysni! Sekretar i parë-president i Shqipërisë ishte Ramiz Alia, por ende komandonte thuajse gjithcka sorra, Nexhmija!

Pas 30 vjetësh në Tiranë nuk kemi më buste dhe monumente të vrasësist serial nga Gjeorgjia, por kemi tabela publike me 21 dhjetor ditëlindjen e kriminelit në fjalë. Me sa duket në kuadrin e ?Rilindjes? ramiste na ka rilindur edhe Stalini jo si bust, por si ditëlindje! Sot në vitin 2018 kryebashkiak i Tiranës është Lali Eri, vëllai i Arbrit. Kryeministër është Edvini, por komandon shumëcka Linda gruaja e katërt e këtij Edvinit!

Si Erioni, si Linda si Edvini janë pro perëndimorë, pro europianë, liberalë të skajshëm vecanërisht përsa i përket moralit seksual e megjithatë mendjen e kanë te Stalini! Njëlloj si personazhi i Xhek Londonit, qenin Buck edhe këta mendjen e kanë te pylli (Stalini) se i thërret kushtrimi i të parëve: i asaj oficeres në kohën e Kadriut ministër i mbrojtjes apo firma e hedhur në favor të ?zbeksave? polakë, apo edhe firma e hedhur në një zyrë në një rrugicë paralel me ?Nevski Prospekt? në Leningrad! /GJERGJ THANASI/CityNews