web counter
LEXO PA REKLAMA!

SHKARKO APP

App Store
Google Play

Apeli për të djegur mandatet/ Mustafaj: Deklaratë emocionale e Berishës

5 Janar 2018, 16:55, Aktualitet CNA

Një deklaratë emocionale, e ka quajtur ish-ministri i Jashtëm Besnik Mustafaj, apelin e ish-kryeministrit njëherësh liderit historik të Partisë Demokratike, Sali Berisha, për djegien e mandateve.

I ftuar në studion e televizionit News24, Besnik Mustafaj, tha që nuk ishte dakord me një vendim të tillë, pasi do të ishte në dizavantazh të opozitës një veprim i tillë.

“Djegia e mandateve, nuk do të thotë rënie e Edi Ramës dhe qeverisës së tij por ka si disavantazh shumë të madh, se i heq opozitës aolën e Kuvendit, dhe e bën opozitën joparlamentare, duke e përjashtuar nga një sërë reformash siç është edhe reforma zgjedhore apo atë në drejtësi.”, – tha ndër të tjera diplomati.

Në vijim ai u shpreh se një artikulim i tillë i Berishës, nuk ishte shpikje e tij, pas vende të ndryshme edhe të rajonit e kanë bërë.

“Është mendim i tij. Shpesh herë nuk kam qenë në një mendje me të, nuk është shpikje e Berishës e kanë bërë edhe të tjerë”, tha Mustafaj, ndërsa shtoi se “apeli i Berishës erdhi edhe nën efektin e emocionit, sepse ndaj tij u sollën shumë keq në Kuvend. Lidhur me këtë edhe kryetari i Kuvendit u detyrua të kërkojë falje sepse ishte nën urdhër të Kryeministrit, i cili shkeli kompetencat e tij dhe mori ato të kreut të Kuvendit. Pra ishte një shenjë e dëshpërimit me politikën.” /CityNews





Lajmet e fundit nga