E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Doni t'ju ecë mbarë gjatë Vitit të Ri? Këto janë ritualet që ju sjellin fat dhe para

31 Dhjetor 2017, 23:30, Aktualitet CNA

Nata e Vitit të Ri është kulmi i ditëve festive për shqiptarët, që i impenjon në çdo gjë, duke filluar që nga punët e shtëpisë deri në gatime të shumta dhe fishekzjarrët.

Shumë prej nesh besojnë në bestytni të trashëguara ose të dëgjuara. Disa veshin rroba të kuqe gjatë ndërrimit të viteve, e të tjerë gatuajnë pjatat e preferuara dhe bëjnë rituale të ndryshme që viti t’ju ecë mbarë.

Por në vende të ndryshme të botës, Viti i Ri pritet me rituale të ndryshme në mënyrë që të jetë më i mirë dhe më i suksesshëm.

Sipas shije.al, shumë kultura ndjekin këto tradita të cilat nëse i besoni duhet t’i praktikoni:

1-Mbajini paratë poshtë tapetit

Nëse dëshironi të keni më shumë para vitin që vjen, ndiqni të njëjtën taktikë që populli romun ndjek. Ata besojnë se nëse i vendosni paratë poshtë tapetit kur ora shkon 12 Viti i Ri do t?ju sjellë më shumë të ardhura financiare. Për të pasur akoma më shumë fat ju këshillojmë të vishni të brendshme të kuqe ose të thyeni gotat natën e vitit të ri.

2-Ndizni furrën dhe muzikën

Në shumicën e rasteve paratë vijnë kur fitohen me djersë. Prandaj nëse dëshironi që Viti i Ri të jetë i mbarë shumë njerëz në Trinidad dhe Tobago besojnë se çelsi është që të keni një shtëpi të pastër dhe të mblidhni familjarët tuaj duke gatuar gjëra të shijshme për ata. Ëndrrat do ju bëhen realitet nëse gatuani fasule të zeza për ditën e vitit të ri.

3-Hani mirë.

Populli afgan rekomandon se nëse kombinoni natën e Vitit të Ri, frutat e thata si bajamet, lajthitë , arrat, qershitë, kajsitë dhe rrushin e thatë fati i mirë do ju ndjekë gjatë gjithë vitit tjetër.

4-Thuajini lamtumirë fatit të keq

Në Brazil njerëzit vishen me të bardha sepse besojnë se Viti i Ri në këtë mënyrë do t?ju sjellë paqe dhe qetësi mendore. Ata rekomandojnë se Viti i Ri duhet t?ju gjejë në ujë dhe sapo t?ju afrohen dallgët duhet të hidheni sa më lartë të mundeni.

5-Mbusheni shtëpinë tuaj me para dhe fruta të rrumbullakëta.

Ndërsa në Filipine nuk është e nevojshme t?i drejtoheni detit në vend të saj ata veshin rroba me pika dhe hidhen aq sa kanë mundësi në mesnatë. Për t?ju sjellë akoma më shumë fat ata rekomandojnë të hidhni disa monedha nëpër dhomat e shtëpisë kur ora shënon 12. Gjithashtu mbajini dritat ndezuar gjatë natës dhe mbusheni tavolinën e Vitit të Ri me fruta të rrumbullakta të madhësive të ndryshme.

6-Hani disa kokrra rrush dhe bëni gati valixhen

Frutat janë protagonistët kryesor në traditat e Amerikës Latine: Në Venezuelë ose Bolivi, njerëzit për të pasur sa më shumë fat hanë ekzaktësisht 12 kokrra rrushi në mesnatë. Për ata që 2018-ta do t?i gjejë duke udhëtuar botën ja një truk fatsjellës që mund të bëni: Merrni valixhen dhe bëni disa xhiro me të rreth shtëpisë, kjo do ju rrisë mundësitë që të shikoni vënde të reja gjatë Vitit të Ri./CityNews