web counter
LEXO PA REKLAMA!

SHKARKO APP

App Store
Google Play

Biznesmeni Samir Mane plotëson dëshirën e fëmijëve të Lezhës

31 Dhjetor 2017, 14:24, Aktualitet CNA

Njeriu më i pasur në Shqipëri, biznesmeni Samir Mane, ishte i ftuar në emisionin “E diela shqiptare” ku ka folur lidhur me donacionet që ai dhe kompania e tij “Balfin group” ndërmerr. Samir Mane i është përgjigjur kërkesës së zonjës Suela e cila disa muaj më parë ishte e ftuar në emisionin “E diela shqiptare” në rubrikën “Ka një mesazh për ty”, fëmijët i kërkonin sa më shumë libra të rinj për të lexuar. Kështu znj. Suela kërkoi nga moderatori Ardit Gjebrea një listë me tituj librash për lexuesit e Lezhës.

“E diela shqiptare” i ka kërkuar për këtë ndihmë Samir Manes, i cili i ka mundësuar të gjithë librat e kërkuar zonjës Suela, për bibliotekën e Lezhës.

Ai bëri thirrje për të gjithë që të ndihmojnë me sa mundësi të ken për njerëzit në nevojë.

“Shpresoj që ata biznesmenë që më dëgjojnë me aq mundësi që kanë të japin sa më shumë donacione. Të rregullohen disa copëza të vogla.”, tha Mane, ndërsa shtoi se ai dhe komania e tij është e fokusuar me donacionet e tij tek, varfëria, ndihma për shkollim, bursat e studimit, Spitalet etj.”

Ndërsa për rastin në fjalë të donacionit të librave biznesmeni Mane u shpreh: “Rasti i parë se është një donacion disi i veçantë, për rëndësinë e librit, dëshirën për të studiuar dhe për tu shkolluar.”

Në fund ai uroi të gjithë shqiptarët për festat e fundvitit.

“Një Vit të Ri sa më të bukur dhe të gëzuar dhe 2018 ti gjejë sa më të lumtur dhe me sa më pak halle. Dashuri lumturi e prosperitet.”, – u shpreh Mane. /CityNews





Lajmet e fundit nga