web counter
LEXO PA REKLAMA!

SHKARKO APP

App Store
Google Play

Pse Basha nuk mund ta shpallë humbjen fitore?

18 Dhjetor 2017, 11:53, Aktualitet CNA

Me ndihmën e Lulzim Bashës, pas një teatri në parlament, kryeministri i vendit, Edi Rama dhe shumica socialiste zgjodhën kryeprokuroren e re të përkohshme të vendit.

Basha ndezi motorët, mori nga pas edhe Monika Kryemadhin dhe me shpresën që sot do të kishte dhjetëra mijëra mbështetës do të bllokonte hyrjen e deputetëve, apo siç tha dje protestuesit jashtë do të hynin brenda në Kuvend.

Nuk ndodhi as njëra, as tjetra. Në shesh nuk kishte më shumë se dy mijë veta, të paktë erdhën nga rrethet, ndërsa Tirana si gjithmonë e ka braktisur Lulin . Sot edhe ata protestues që ndodheshin ishin mbështetës të Berishës, se për Lulzim Bashën askush nuk shkon më në protesta pas tradhëtisë dhe pazareve të tij të pista me Edi Ramën, me 18 maj.

Sot Lulzim Basha dështoi në teatrin e tij komik. Ai pasi ndihmoi Edi Ramën dhe i hapi rrugën të zgjedhë kryeprokurorin e ri, kërkoi që të forconte mbështetjen në PD duke organizuar një protestë, e cila nga shpresa e një turme me qindra mijëra vetë shkoi në disa qindra, që jo vetëm nuk mundën të çanin kordonin pasi ishin shumë të pakët, por edhe të pamotivuar dhe të trembur se tradhëtari që kanë në krye të partisë, e kishin brenda në sallë dhe po luftonte për pazarin e radhës me Edi Ramën.

E në rast se ka një humbje, kjo e sotshmja është më e madhja. Në rast se Basha mohon të vërtetën për mbështetjen dhe hapjen e rrugës që i bëri Edi Ramës për zgjedhjen e Kryeprokurorit të ri të përkohshëm.

Humbjet e Lulit nuk ndalen, pazaret e tij me Ramën nuk ndalen, dështimet e tij nuk ndalen. Sot përfundoi tallavaja politike e ?martesës? së tij me LSI-në./ CityNews





Lajmet e fundit nga