E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zgjedhja e Kryeprokurorit/ Basha humb toruan, shfaqet me dy qëndrime

8 Dhjetor 2017, 13:19, Aktualitet CNA

Brenda një dite, kreu i Partisë Demokratike Lulzim Basha ka dalë me dy qëndrime sa i përket zgjedhjet së Kryeprokurorit të shtetit. Nuk është rasti i vetëm kur Bashën e shohim të dyzuar dhe madje madje disa herë të përgënjeshtrojë vetveten.

Pyetja shtrohet cilit Lulzim Bashës duhet ti besohet atij që del në mëngjes dhe që pranon kushtet e BE ?së për të zgjedhur kryeprokurorin, apo atij që del në mbrëmje dhe sulmon institucionet, ambasadat apo agjencitë e BE të akredituara në Shqipëri?

Paraditen e të enjtes, 7 dhjetor 2017, Kryeministri Edi Rama i kërkoi ?një pakt kombëtar?, Bashës për zgjedhjen e Kryeprokurorit. Por, sipas Bashës, i vetmi ?pakt? që ka nevojë Shqipëria është pakti për Kushtetutën dhe shtetin ligjor.

?Kushtet që BE ka vendosur për Shqipërinë janë të qarta: zbatimi i reformës në drejtësi dhe vetingu; lufta kundër drogës dhe krimit; lufta kundër korrupsionit; reforma e administratës publike; respektimi i të drejtave themelore të njeriut.Në mbështesim pa asnjë kusht përpjekjen për përmbushjen e secilit prej këtyre kritereve?, iu kundërpërgjigj Basha, kryeministrit Rama.

Ky është qëndrimi i parë Bashës për zgjedhjen e Kryeprokurorit. Po në të njëjtën ditë, në mbrëmjen e së enjtes 7 dhjetor 2017, kreu i PD ?së Lulzim Basha në një interviste televizive ka dalë me një tjetër qëndrim. Madje disa herë brenda intervistës ka përgënjeshtruar vetveten.

Basha ka ?sulmuar? ambasadat dhe misionet ndihmëse të OPDAT-it dhe EURALIUS-it. Njëherësh ka hedhur poshtë deklaratën e tij të mëparshme se është pro kushteve të vëna nga BE ?ja, ndërkohë që Zyra e BE ?së në Shqipëri kërkoi zgjedhjen e Prokurorit të Përgjithshëm të përkohshëm.

?Interpretimi i Kushtetutës nuk është detyrë e ambasadave dhe as e misioneve ndihmëse të OPDAT-it dhe EURALIUS-it, është e Gjykatës Kushtetuese. Çdo shqiptar që ka sytë në ballë e lexon Kushtetutën që thotë se fundit i mandatit të Prokurorit të Përgjithshëm konstatohet nga KLP-ja?, ka thënë Basha në një intervistë televizive, ndërsa i janë përmendur interpretimi OPDAT-i, dhe reagimi i Ambasadës së SHBA-ve dhe BE-së për procesin e zgjedhjes së Kryeprokurorit.

Më tej, gjatë intervistës, ai ka akuzuar mazhorancën se e ka kthyer zgjedhjen e Kryeprokurorit në një proces politik. Por duke harruar se çfarë kishte thënë, pak minuta më vonë, i pyetur se a ka një propozim se si duhet të zgjidhet Prokurori i Përgjithshëm, ai është shprehur se, ?Unë kam propozim politik, por prokurori duhet të zgjidhet në mënyrë kushtetuese?.

Deklarata e parë: ?Problemi i parë është problemi i antikushtetueshmërisë. Procesi që ka futur mazhoranca zgjedhjen e Prokurorit të Përgjithshëm është një proces antikushtetues i dyti është se është një proces politik, pra thotë se kemi votat vetë. Pra një zgjedhje politike?.

Deklarata e dytë: Pyetje: A keni një propozim ju Z.Basha se si duhet të zgjidhet Prokurori i Përgjithshëm?! Basha: Unë kam propozim politik, por prokurori duhet të zgjidhet në mënyrë kushtetuese, në mënyrë të tillë që të mos zgjidhet politikisht dhe të mos i përkasë një krahu politik. /CityNews