web counter
LEXO PA REKLAMA!

SHKARKO APP

App Store
Google Play

Meta vijon dekorimet nga Marseja/ Vlerësohet Sylviane Muselier

8 Dhjetor 2017, 12:10, Aktualitet CNA

Presidenti Ilir Meta ditën e sotme ka dekoruar me titullin ?Nënë Tereza? Sulviane Museiler në shenjë mirënjohje të thellë për kontributin e vyer shumëvjeçar në ndihmesë të fëmijëve të sëmurë e familjeve shqiptare.

Ceremonia u organizua nga presidentja e Komisionit të Rajonit të Aix-en-Provence, Agnès Rampal dhe zëvendëspresidentja e këtij rajoni, Caroline Pozmentier.

Gjatë fjalës së tij Meta krahas nderit dhe vlerësimit në emër të shtetit theksoi  se Museiler është një bamirëse e rrallë, e cila rrjedh nga një familje fisnikësh, e cila është luftëtare e Rezistencës franceze, edhe mbrëterore, edhe republikane, edhe demokrate.

?Në sajë të përkushtimit të paepur, dashurisë dhe dhembshurisë së pakursyer, shpirtit bamirës dhe tejet njerëzor, zonja Muselier u rikthye në vendin e shqiponjave për të vazhduar traditën familjare të përkujdesjes për shqiptarët.

Personat me aftësi të kufizuara, paraplegjikët, fëmijët e varfër e të paushqyer, vogëlushët e sëmurë në spitalin e fëmijëve ishin dhe janë ata që do t?i jenë përjetë mirënjohës ndihmës, përkujdesjes dhe mjekimit me ilaçet dhe pajisjet e dhuruara me aq bujari nga kjo zonjë e nderuar.

Nëse Nënë Tereza na ka mësuar që të bëjmë gjithmonë vepra të vogla mirësie, por me dashuri të madhe, shembulli dhe jeta e zonjës Muselier na mëson që bota nuk është e përkryer dhe se vetëm në saje të përkujdesjes, bamirësisë dhe veprave të mira për të tjerët, njerëzimi do të përmirësohet edhe e ardhmja e fëmijëve tanë do të jetë më e mirë!

Dashuria e saj për Shqipërinë buron nga dashuria e saj e pafund për Mbretëreshën Geraldinë, motrën saj më të madhe, e cila vazhdon të frymëzojë shumë njerëz në Francë, Hungari, Austri dhe në Botë, për të ndihmuar Shqipërinë dhe shqiptarët?, u shpreh ndër të tjera Presidenti Meta. /CityNews

 





Lajmet e fundit nga