web counter
LEXO PA REKLAMA!

SHKARKO APP

App Store
Google Play

E fundit!

x

Përmbytja e Autostradës Tiranë –Durrës/ Prokuroria nis hetimet

2 Dhjetor 2017, 09:06, Aktualitet CNA

Përmbytja e autostradës Tiranë ?Durrës, në të cilën u dëmtuan dhjetra automjete dhe rrezikuan shumë qytetarë, do të jetë objekt hetimi nga Prokuroria e Tiranës.

Ky ka qenë deklarimi i Prokurorit të Prokurorisë së Tiranës, Ervin Karanxha, i cili për Panoramën ka bërë të ditur, se ka inspektuar dëmtimet që kanë pësuar banorët e zonës në autostradën Tiranë-Durrës.

Sipas  prokurorit për këtë ngjarje do të regjistrohet një inspektim penal dhe organi i akuzës do të jetë i hapur për çdo denoncim nga qytetarët, që janë dëmtuar nga përmbytjet në këtë segment rrugor.

Objekt i hetimit do të jenë edhe palmat e mbjella nga Qeveria, për të saktësuar nëse ndikuan apo jo në përmbytjen e autostradës.

?Do të verifikohet nëse ka apo jo element të veprës penale që shkaktuan përmbytjet, gjithmonë në koordinim me Policinë e Shtetit. Nga kqyrja e vendit të ngjarjes do të saktësohet, se cilat janë ndërtimet pa leje dhe cilat janë me leje, për të provuar se kush e ka sjellë dëmin. Objekt i hetimit do të jenë të gjitha shqetësimet e qytetarëve. Do të regjistrohet një kallëzim penal dhe do të verifikohen të gjitha, Çdo person që ka pasur përmbytje të paraqitet në Porkurorinë e Rrrthit Gjyqësor Tiranë, me vlerën e dëmit, se çfarë dëmi i është shkaktuar nga ngjarja e ndodhur?, është shprehur Karanxha.





Lajmet e fundit nga