web counter
LEXO PA REKLAMA!

SHKARKO APP

App Store
Google Play

E fundit!

x

Urdhëri i kryeministrit/ Gjithë shteti në këmbë për qytetarët

1 Dhjetor 2017, 12:20, Aktualitet CNA

Kryeministri i vendit, Edi Rama në një postim në rrjetin social ka reaguar për situatën e jashtëzakonshme tw krijuar si pasojë e rreshjeve të dendura dhe papushim të dy ditëve të fundit.

?Siç e paralajmëruam jemi në situatë të jashtëzakonshme nga rreshjet e dendura dhe papushim të dy ditëve të fundit. Kjo situatë po përballohet me angazhimin maksimal të të gjithë strukturave shtetërore, të cilat ishin në gatishmëri të plotë dhe prej mbrëmjes së djeshme janë në krye të detyrës duke ndihmuar qytetarët e familjet e prekura?, theksoi Rama.

Ndër të tjera kryeministri bëri të ditur se, gjatë natës janë shpëtuar si dhe janë akomoduar në kushte të sigurta 315 persona. ?Gjatë natës janë shpëtuar nga përmbytjet dhe akomoduar në kushte të sigurta 315 persona. Gjatë ditës së sotme pritet rëndim i gjendjes, veçanërisht në pjesën jugore të vendit. Janë marre masa për menaxhimin e situatës në basenet e lumenjve Vjosë, Shkumbin dhe Seman ku priten edhe prurje të shtuara?, u shpreh kryeministri.

Rama gjithashtu shtoi se, i gjithë shteti do të jetë në këmbë dhe do të jetë pranë qytetarëve, ditë edhe natë për të përballuar situatën e për të garantuar sigurinë e jetës deri në normalizimin e plotë të situatës. ?I gjithë shteti është në këmbë dhe do të jetë pranë jush, ditë e natë për të përballuar situatën e për të garantuar sigurinë e jetës deri në normalizimin e plotë të situatës.

Lutem bashkëpunim me Forcat e Armatosura, strukturat e emergjencave civile, bashkitë e prefekturat, në përpjekjet e tyre për sigurinë e jetës suaj në radhë të pare?, përfundoi kryeministri./ CityNews





Lajmet e fundit nga