web counter
LEXO PA REKLAMA!

SHKARKO APP

App Store
Google Play

E fundit!

x

Lulzim Basha sulmon LSI-në

30 Nëntor 2017, 14:10, Aktualitet CNA

Kryetari i Partisë Demokratike, Lulzim Basha sot në parlament, për herë të parë ka artikuluar akuza të forta ndaj aleatit të tij të ri LSI.

Para disa javësh, Basha dhe LSI dolën në koalicionin e tyre të quajtur ?fronti opozitar?.

Në atë kohë Lulizm Basha vlerësoi LSI-në dhe bashkëpunimin me Monika Kryemadhin si shpresë për të rrëzuar Ramën, por sot në mënyrë të beftë Lulzim Basha ka sulmuar haptas LSI-në.

Duke folur në parlament, kryetari i Partisë Demokratike tha se ?PD ishte e vetmja parti politike që nuk përdori paratë dhe lidhjet me krimin në zgjedhje?, një akuzë e cila më shumë se kryeministrit i drejtohet aleatit të tij, LSI.

Në fjalën e tij, Basha e përsëriti disa herë ?e vetmja parti politike?, pra nëqoftë se është e vetmja parti politike dhe partitë parlamentare janë katër, PD, PS, LSI dhe PDIU, nga këto parti Lulzim Basha tha se ?E vetmja parti që nuk ka përdorur paratë dhe lodhjet me krimin në zgjedhje është PD?. Pra Basha e ka përfshirë edhe LSI-në në shitblerjen e votës dhe lidhjet me krimin.

Një akuzë që nuk dihet pse vjen në këto momente, por flitet për një thyerje mes tij dhe Kryemadhit për aksionin opozitar.

Po të shohim, LSI është më e ashpër dhe më larg Edi Ramës, ndërsa Basha shpesh i shkel syrin kryeministrit të vendit.

Sot duke folur nga parlamenti, kreu i PD ka sulmuar hapur LSI-në duke e bërë edhe atë pjesë të shitblerjes së votës dhe lidhjeve me krimin, duke thënë se LSI dhe PS kanë qënë të përfshira në lidhje kriminale, duke influencuar në tjetërsimin e votës./ CityNews





Lajmet e fundit nga