web counter
LEXO PA REKLAMA!

SHKARKO APP

App Store
Google Play

E fundit!

x

Burri e tradhtonte, gruaja e zbulon pas kësaj fotoje që dashnorja postoi në Instagram

30 Nëntor 2017, 13:16, Aktualitet CNA

Një grua ruse ka zbuluar tradhtinë e bashkëshortit pas kësaj fotoje që dashnorja e tij kishte postuar në Instagram. Yulia tha për mediat ruse se një mëngjes po shihte fotot në Instagram kur papritmas foto e postuar nga një vajzë i ishte dukur shumë e njohur pasi është shkrepur nga dhoma e saj e gjumit.

“Nuk po kërkoja për ndonjë gjë. Ishte një mëngjes normal. Si çdo person edhe unë po shikoja fotot në Instagram dhe papritur pashë këtë foto me pamje nga dhoma ime e gjumit. Pashë që kjo femër dhe unë kishim shumë ndjekës të njëjtë, kisha hapur disa herë profilin e saj dhe gjeta edhe foto të burrit tim”, është shprehur Yulia.

Vajza ruse e ka ripostuar foton e Vlada Abramovich dhe ka shkruar: “Pamje e bukur nga dhoma e gjumit e burrit tim”. Pas kësaj Vlada e ka mbyllur Instagramin, por e ka pranuar që ka fjetur me burrin e Yulias.

E pyetur nëse ndihet fajtore, Vlada është shprehur: “Ajo është gruaja e tij, jo e imja, ç’më duhet mua?”. Ndërsa burri i Yulias, Nazar ka pranuar që e ka tradhtuar gruan duke u shprehur se ai i kishte thënë Vladas se ishte i martuar.

“Ne po planifikonim të bënim fëmijë. Jam shumë e lumtur që e mësova herët”, u shpreh Yulia dhe shtoi se do të nisë proçedurat e divorcit./CityNews





Lajmet e fundit nga