web counter
LEXO PA REKLAMA!

SHKARKO APP

App Store
Google Play

E fundit!

x

Tahiri udhëtoi për në Gjermani, dy javë pasi i ati u kthye në Shqipëri

22 Nëntor 2017, 11:43, Aktualitet CNA

Arsyet që detyruan Saimir Tahirin të udhëtojë papritur drejt  Gjermanisë mbeten mister ende sot, jo vetëm për mediat, por edhe  për njerëzit pranë tij. Kur doli lajmi dhe avokati Maks Haxhia tha se  nuk kishte dijeni për këtë lëvizje të klientit të tij, u hodh në media teza e një arratisjeje të mundshme.

Por mediat pranë qeverisë dolën me versionin se nuk kishte asgjë për t?u shqetësuar, sepse Tahiri kishte udhëtuar në Gjermani për t?i qëndruar pranë të atit që kurohet jashtë.

Por të dhënat nga sistemi TIMS, që tregojnë se ky  shpjegim që nxorrën mediat ishte një gënjeshtër.

Nga të dhënat në sistem del se Bashkim Tahiri, doli jashtë Shqipërisë në fund të muajit tetor, në datën 29 dhe u kthye në fillim të nëntorit, në datën 3, dhe  kjo duket qartë në të dhënat e regjistruara në sistem, shkruan lapsi.al.

Ndërkohë, udhëtimi tre-ditor i Saimir Tahirit është bërë dy javë më pas, në një periudhë kohe që nuk ka asnjë lidhje me ndërhyrjen kirurgjikale të babait të tij.

Një tjetër detaj nga udhëtimi është se në rrugën drejt Gjermanisë, Tahiri shoqërohej me një ish vartës të tij në Ministrinë e Brendshme.  Udhëtimi erdhi pas deklaratave të Edi Ramës dhe Ditmir Bushatit se Tahiri nuk mund të udhëtojë jashtë vendit, sepse parlamenti ka votuar  për bllokimin e lëvizjes së tij jashtë vendit.

 





Lajmet e fundit nga