web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi sulmon Ramën/ Po kthen diplomatët në narko-diplomatë

22 Nëntor 2017, 18:37, Aktualitet CNA

Lëvizja e Gruas për Integrim, mbajti mbrëmjen e sotme Konventën e saj Kombëtare, ku ndër folësit në këtë takim ishte edhe kryetarja e LSI-së, Monika Kryemadhi.

Në fjalën e saj Kryemadhi ka sulmuar kryeministrin Edi Rama, për të cilin tha se ndonëse me parat e drogës mund të blejë diplomatë, makina, vota e zgjedhje, sërish shpirtin e shqiptarëve nuk mund ta blejë asnjëherë. Më tej ajo u shpreh se Rama mund të bëjë gjithçka për të ruajtur karrigen e tij, madje mund të kthejë edhe diplomatët në narko-diplomatë.

Teksa u ndal tek braktisja që shqiptarët po i bëjnë vendit si shkak i gjendjes së vështirë ekonomike dhe jo vetëm, tha se, ?Edi Rama nuk mund ti heqë të drejtën shqiptarëve që të jetojnë në këtë vend. Nëse ai i do shqiptarët dhe Shqipërinë atëherë të largohet dhe ti lërë të qetë ata?.

Në vijim të fjalës së saj, Kryemadhi bëri thirrje për t’i lënë ndasitë politike mënjanë, dhe të të bashkohemi për interesat e përbashkëta, për largimin e qeverisë që po shkatërron familjet shqiptare.

?Do lemë mënjanë ndasitë, të harrojmë përkatësitë politike dhe partiake, të ngrenë lart revoltën ndaj një qeverie që po shkatërron familjet shqiptare. Të shkulim nga rrënjët narko-qeverinë e Edi Ramës.

Familja dhe fëmijët tanë janë pasuria më e madhe, kjo është sfida e të gjithë shqiptarëve. Do ta fitojmë këtë betejë të gjithë së bashku?, – tha Kryemadhi. /CityNews





Lajmet e fundit nga