web counter
LEXO PA REKLAMA!

SHKARKO APP

App Store
Google Play

E fundit!

x

Zv.kryeministrja Senida Mesi takime në Kosovë me homologun Enver Hoxhaj dhe Ministrin e Tregtisë & Industrisë Bajram Hasani

20 Nëntor 2017, 16:13, Aktualitet CNA

Zëvëndës Kryeministrja e Republikës së Shqipërisë Senida Mesi ka zhvilluar sot në Kosovë takim me homologun e saj Enver Hoxhajn dhe Ministrin e Tregtisë dhe Industrisë së këtij vendi, Bajram Hasanin.

Gjatë takimit me Hoxhajn, zëvendëskryeministrja ka nënvizuar bashkëpunimin e ngushtë politik që ekziston mes dy vendeve, si edhe ndërveprimin vëllazëror që karakterizon Shqipërinë dhe Kosovën.  Në këtë kuadër, ato kanë rënë dakord që ta përforcojnë edhe më tepër bashkëpunimin mes Shqipërisë dhe Kosovës, si dhe kanë insistuar për rritjen e mëtejshme të komunikimit në çdo fushë të interesit të përbashkët.

Në lidhje me mbledhjen e ardhshme të përbashkët mes dy qeverive që do të realizohet me datë 27-28 Nëntor në Shqipëri, të dy zëvendës kryeministrat  kanë bashkëbiseduar për produktet konkrete që priten të përmbushen së shpejti si rezultat i këtij takimi, dhe kanë nënvizuar gjithashtu rëndësinë e koordinimit për të çuar përpara çdo agjendë që është në interes të dy vendeve.

Zv/Kryeministrja Mesi i siguroi homologut Hoxhaj faktin, se Kosova mbetet natyrshëm partneri strategjik i Shqipërisë dhe se vendi ynë ngelet tërësisht i angazhuar për thellimin e mëtejshëm të marrëdhënieve tona.

Gjatë vizitës në Prishtinë, Mesi u takua gjithashtu edhe me Ministrin e Tregtisë dhe Industrisë së Kosovës Bajram Hasanin, ku në fokus të bisedës ishte thellimi i marrëdhënieve tregtare mes dy vendeve.

Të dyja palët dakordësuan për vijimin e punës për jetësimin e marrëveshjeve ekzistuese dhe për avancimin e çështjeve me rëndësi për të dyja vendet. Ato diskutuan gjithashtu edhe për krijimin e lehtësirave për produktet që eksportohen nga Shqipëria në Kosovë dhe anasjelltas.





Lajmet e fundit nga