web counter
LEXO PA REKLAMA!

SHKARKO APP

App Store
Google Play

E fundit!

x

 Nis seanca plenare/ Rama paraqet pr.buxhetin dhe paketen fiskale

16 Nëntor 2017, 09:26, Aktualitet CNA

Në nisje të seancës së sotme plenare në Kuvendin e Shqipërisë, kryeministri Edi Rama ka bërë një prezantim të projektbuxhetit për vitin 2018.

Kreu i qeverisë theksoi ndër të tjera se pr.buxheti është hartuar me përgjegjësi dhe realizëm. Sipas tij rriten investimet dhe ulet borxhi.

?Sot qeveria paraqet ne Kuvend nje dokument me rendesi te posacme qe shënon dhe hapin e parë të një mandati të ri i cili do të fokusohet i tëri te shtetbërja, punësimi dhe mirëqënia.

Dokumenti i pr.buxhetit nis me premisën inkurajuese se ekonomia rritet në mënyrë të qëndryeshme. Gjatë tremujorit kapëm kufirin e 4 %.

Kemi gjallërim të ndjeshëm të kërkesës së brendshme private dhe këtu vlen të nënvizohet rritja reale e konsumit në vitin që po mbyllim.

I ndjeshëm është edhe përmirësimi i bilancit të shkëmbimeve tregtare. Eksportet pësuan 13% rritje, ndërsa importet rezultojnë me një rrijtj  prej 6.3 %.

Investimet e brendshme u rritën me 13%, ndërsa investimet e huaja direkte ne tremujorin e parë të vitit kanë shënuar rritje pozitive prej 18% krahasuar me një vit më parë.

Shkalla e papunësisë vijon trendin rënës dhe treguesi i njësisë ekonomike ka përmirësim të ndjeshëm.”- u shpreh kryeministri.

Shqipëria ka rritjen më të lartë ekonomike në rajon dhe këtë e thotë edhe BE.

Për ne këto shifra nuk mund të thonë aspak që njerëzit duhet të na duartrokasin, por me buxhetin ne vendosim një bazë të re për të bërë shumë më tepër.

Këtë e tregon rritja e shifrës së të ardhurave në buxhetin 2018, i cili shënon 28.1% të PPB.

Borxhi publik do reduktohet me 2.5%, paketa fiskale do të nxisë formalizimin e ekonomisë me një kosto të papërfillshme në raport me gjithcka është thënë për biznesin e vogël./ CityNews





Lajmet e fundit nga