web counter
LEXO PA REKLAMA!

SHKARKO APP

App Store
Google Play

Ramush Haradinaj, pret në takim zyrtar nënën / Ja cila është arsyeja

22 Tetor 2017, 08:11, Aktualitet CNA

Kryeministri i Kosovës, Ramush Haradinaj, ka pritur në një takim zyrtar Nënën dhe motrat e tij.

Këtë gjë Haradinaj e ka bërë publike në rrjetet sociale, i cili shprehet se “Secili takim me nanën na i freskon kujtimet e fëmijërisë dhe të rritës, na i kujton vuajtjet por edhe ëndrrat dhe gëzimet familjare”.

Më tej ai shprehet se vizita e familjarëve të tij u bë për ta uruar atë në marrjen e detyrës si kreu i qeverisë.

“Sot më zbukuruan ditën me vizitën e tyre nana ime, Ruka, dhe motrat Mema e Antigona, si dhe kunata Suzana, që erdhën nga Gllogjani për t?më uruar për përgjegjësitë që kam marrë për ta drejtuar Qeverinë e vendit”, – shton Haradinaj.

Në vijim të shënimit të tij Haradinaj shprehet se: “I jam mirënjohës nanës dhe i përkulem, jo vetëm që më ka sjellë në këtë botë, por mbi të gjitha si nanë e dashur dhe durimtare e dhjetë fëmijëve.
Duart e nanës janë vet metafora e jetës, ato na kanë ushqy, përkëdhelë e vënë në gjumë, ato duar na kanë dhënë ngrohtësi, na kanë ngritur lartë, deri në nivele më siperane të jetës!
Prandaj, dashuria individuale për nanën është njëherësh edhe universale dhe më inkurajon që gjithnjë të jem në shërbim të të gjithë njerëzve të Kosovës, pa dallim, i dashur dhe i kujdesshëm për me i dalë në ndihmë secilit njeri që ka halle.
Falemnderit nanë!
RH”. /CityNews





Lajmet e fundit nga