web counter
LEXO PA REKLAMA!

SHKARKO APP

Malajzia arreston një terrorist shqiptar të lidhur me ISIS-in

7 Tetor 2017, 11:25, Aktualitet CNA

Polica malajziane, që nga 27 shtatori e deri në 6 tetor ka ndërmarrë një sërë operacionesh antiterror. Në këto operacione janë kryer arrestime të shtetasve Filipinas, malajzianë dhe të një shqiptari të lidhur me oragnizata terroriste si Daesh-i, Abu Sayaf dhe Jemaah Islamia. Faktikisht ky është shqiptari i dytë i arrestuar në Malajzi. Në fund të verës u arrestua një tjetër shqiptar në kryeqytetin malajzian Kuala Lumpur. Arrestimi i tij u krye në sajë të një informacioni të saktë të shërbimit sekret izraelit për përfshirjen e të arrestuarit në veprimtari terroriste madje edhe në tentativën për sulm terrorist gjatë ndeshjes së futbollit Shqipëri-Izrael.

I arrestuari shqiptar është 35 vjec dhe kishte shkuar në Malajzi i ftuar si lektor për një cikël leksionesh në universitetin shtetëror UNISEL  (University of Selangor). I arrestuari e mban veten si dijetar islam (hatib), i specializuar në ligjin kuranor të Sheriatit. Arrestimi i tij u krye në 1 tetor, por për arsye hetimore u bë publik vetëm në 6 tetor 2017./ CityNews

Nga GJERGJ THANASI





Lajmet e fundit nga