E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Grushta në korridoret e gjykatës së Elbasanit/ Vendimi i paligjshëm ndez sherr, akuza dhe denoncime për gjyqtarin

5 Tetor 2017, 13:19, Aktualitet CNA

Një ngjarje e pazakonshme ka ndodhur pak ditë më parë në ambientet e Gjykatës së Elbasanit. Një sherr mes dy palëve që prej 2 muajsh kishin hapur mes tyre një padi civile mbi pronësinë e një banese e cila është ndërtuar dhe blerë qysh para 140 vitesh, por që një gjyqtar i molepsur dhe i hetuar edhe më parë për afera korruptive, ka vendosur të favorizojë atë që ka paguar më shumë.

Në Elbasan në ambientet pranë Gjykatës do të takosh çdo ditë, sekserë të cilët nuk është nevoja ti kërkosh, por të gjejnë ata ty. Edhe në rastin konkret ishin sekserët ata që vendosën fatin e procesit gjyqsor mes palëve, B.M. dhe K.S. B.B. familje të vjetra në lagjen Kala në Elbasan. Procesi gjyqsor ka nisur papritur kur palët K.S dhe B.B. dhe shumë familjarë të tyre, kanë hedhur në gjyq për pronësinë e banesës shtetasin B.M. banues në lagjen Kala, dhe që jeton prej 140 vitesh në atë objekt i ndërtuar nga paraardhësit e tij.

Ngjarja e ndodhur në korridoret e Gjykatës së Elbasanit ishte provokimi hapur që kryesuesi trupit gjykues, i ka bërë procesit duke hedhur poshtë edhe ekspertin ligjor, pavarsisht se i dha të drejtën atij, duke shkelur ligjin hapur . Kaq mjaftoi, që të ndodhte përplasja. Ndeshja fizike, pas sharjeve dhe fyerjeve, ka zgjatur për afro 10 minuta dhe janë përfshirë burra, gra, dhe rojet e objektit.

Një skandal i paparë, dhe kjo gjë ka ndodhur dhe po ndodh shpesh zyrave dhe korridoreve të Gjykatës së Elbasanit, e cila është kthyer në ?qendër biznesi?. Burimet nga kjo gjykatë i thanë ?City News? se ?vendimi gjyqtarit ishte krejtësisht i paligjshëm, dhe se vendimi ishte blerë qysh një ditë më parë, kur pala që fitoi gjyqin kishte paguar sekserin e gjyqtarit. Prej vitesh qindra familje të vjetra elbasanase sorrollaten dyerve të gjykatave, duke pritur drejtësinë për konfliktet e vjetra dhe të reja, kryesisht të pronave.

Sistemi drejtësisë, mbetet i mbuluar nga korrupsioni, dhe kjo më së shumti rëndon çdo ditë xhepat e qytetareve elbasanas të hallexhinjve, të atyre që dergjen zyrave dhe sallave duke shpresuar se do të ketë zbatim të ligjit dhe drejtësi. Pothuajse çdo ditë në gjykatën e Elbasanit, do të takohesh me ish-pronarë që prej vitesh zhvillojnë gjyqe nga shkalla e parë në Apel, nga gjykata e Lartë sërish në shkallën e parë, një vajtje-ardhje e lodhshme, një torturë. Po nuk bëre pazarin me sekserin e gjyqtarit, mos prit të marrësh drejtësi në gjykatë.

Shpesh abuzimi me detyrën dhe korrupsioni në sistemin e drejtësisë , ka qenë objekt edhe i organit të akuzës, deri sot nuk është penalizuar asnjeri prej tyre. Rastet e tilla nuk kanë munguar në organet e drejtësisë në Elbasan. Pronarët e vjetër elbasanas, dergjen prej vitesh në zyrat dhe korridoret e institucioneve të drejtësisë, duke paguar gjoba pa fund tek sekserët, të cilët duke shpresuar drejtësi dhe vendime të bazuara në ligj, zbrazin xhepat dhe shkatërrojnë jetët e tyre.

Korruptimi i sistemit gjyqësor mbetet plaga më e rëndë e cila po shpërfytyron qytetarët e Elbasanit. Loja e sekserëve mbetet turpi sistemit të dhënies drejtësi në Elbasan. Qytetarët shprehen me indinjatë ndaj gjyqtarëve, ish-pronarë të vjetër elbasanas deklarojnë se ?kemi vite që denoncojmë grabitjen e pronave nga gjyqtarë e prokurorë, por as KLD dhe as Ministria e Drejtësisë nuk mund ta ndalin bandën dhe mafien e drejtësisë?.

Qytetarët e Elbasanit apelojnë për ndëshkimin e koprrupsionit në gjykatë . Bëhet fjalë për përzierje në afera korruptive të zyrtareve, të cilët duke abuzuar me ligjin, kanë grabitur troje dhe pronat e pronarëve legjitimë. Denoncimet kanë të bëjnë me abuzimet në tokat , trojet në periferinë e qytetit dhe fshatra./CityNews