web counter
LEXO PA REKLAMA!

SHKARKO APP

App Store
Google Play

Vetingu në Policinë e Shtetit/ Furtuna do të nis me kokat drejtuese

3 Tetor 2017, 15:30, Aktualitet CNA

Vetingu i paralajmëruar nga ministri i Brendshëm,Fatmir Xhafaj, pritet të nisë me zëvendësimin e kokave drejtuese të Policisë së Shtetit, duke mos kursyer as atë të drejtorit të Përgjithshëm, Haki Çako.

Lajmin e raportuar nën rreshta nga gazeta ?Sot? e kanë konfirmuar burime konfidenciale të Ministrisë së Brendëshme. Sipas tyre tashmë gjithçka është gati për zbatim, kurse vetingu do të jetë hapi i parë i madh i nisjes së reformës që do të shoqërohet me pastrimin e rradhëve nga punonjësit e korruptuar e të paaftë profesionalisht.

?Vetingu është hapi i parë dhe do shërbejë për të konstatuar shkallën e inkriminimit dhe të korrupsionit brenda rradhëve të Policisë së Shtetit. Heqja dhe zëvendësimi i drejtuesve në detyrë do të jetë një tjetër hap po aq i madh pasi strategjia që do të aplikohet synon ngritjen e një Policie krejtësisht ndryshe nga e sotmja, një polici të standarteve perëndimore që nuk mund të bëhet nga drejtuesit në detyrë, pjesa dërmuese e të cilëve, sado të aftë të jenë nuk e kapërcejnë kufirin profesional periferik?, janë shprehur burimet konfidenciale. Duke shtuar se strategjia që do të ndiqet është konsultuar e ka marrë miratimin edhe të ndërkombëtarëve, specialistët e të cilëve e kanë asistuar hartimin e saj.

Madje vettingu së bashku me hapat që do të ndërmerren pas nisjes së tij kanë qenë temë bisede edhe në takimin e të hënës, midis ministrit Fatmir Xhafaj dhe ambasadorëve Lu e Vlahutin, përkatësisht përfaqësues të SHBA dhe BE-së./CityNews





Lajmet e fundit nga