web counter
LEXO PA REKLAMA!

SHKARKO APP

App Store
Google Play

E fundit!

x

Andi Bushati tregon dy arsyet për deklaratat e ambasadorit Lu

3 Tetor 2017, 16:24, Aktualitet CNA

Deklaratat e ambasadorit Lu të bëra kohëve të fundit, të cilat kulmuan me atë se 4 klane dhe 20 familje kriminale, të udhëhequra nga Amiljano Shullazi, kontrollojnë Sqhipërinë, kanë ndezur një debat të gjerë publik.

Gazetari Andi Bushati ishte i ftuar në studion e televizionit News 24, ku komentoi ngjarjet e fundit politike dhe këto deklarata.

Ai u shpreh se këto deklarata që vijnë në 20-vjetorin e themelimit të shkollës së Magjistraturës, kanë një arsye të fortë. Sipas tij tentativa e qeverisë për të ndikuar mbi këtë reformë të rëndësishme të vendit, mund të kenë çuar ambasadorin Lu në një deklaratë të tillë.

Po ashtu Bushati u shpreh se edhe deklarata e Lu-së në Rrëshen, ku u bëri thirrje gjimnazistëve për të rrëzuar qeverinë kur ajo nuk u pëlqen, dhe këtë mund ta bëjnë edhe në rrugë të tjera dhe jo vetëm me votë, është tregues i një pakënaqësie ndaj qeverisë. Sipas tij fakti që këto deklarata po artikulohen sot, tregon se në rastin më të mirë SHBA-së po i tërheqin vërejtje qeverisë, dhe në rastin më të keq, se po u thonë shqiptarëve se qeveria nuk po e bën punën si duhet. /CityNews





Lajmet e fundit nga