web counter
LEXO PA REKLAMA!

SHKARKO APP

App Store
Google Play

Basha largon një nga këshilltarët e fushatës së zgjedhjeve të 25 qershorit

18 Shtator 2017, 14:23, Aktualitet CNA

Kreu i Partisë Demokratike Lulzim Basha ka larguar një nga këshilltarët e tij kryesorë të fushatës zgjedhore të 25 qershorit.

Burime për Cityneës konfirmuan se bëhet fjalë për këshilltarin Neritan Sejamini, të cilin kreu demokrat e mori në këtë funksion rreth një vit më parë.

Sejamini mbahet mend pasi në 11 dhjetor të vitit të kaluar e nxorri PD-në në oborrin e selisë së saj.

Ai ka qenë këshilltari kryesor për qëndrimet dhe artikulimet që PD bënte në media.

Te ai koordinoheshin të gjithë para daljeve të tyre publike, përfshirë edhe sekretarin e përgjithshëm apo edhe deputetë të thjeshtë.

Mësohet se Sejamini është larguar menjëherë pas rezultatit skandaloz të PD-së në zgjedhjet e 25 qershorit.

Duket se pas humbjes së zgjedhjeve ai ka marrë dhe faturën e fundit të parave.

Kujtojmë se Sejamini ishte një nga këshilltarët kryesorë të Bashës, por jo i pari.

Ai ndodhej në hierarkinë e këshilltarëve, pas bashkëshortes së Lulzim Bashës, Aurela Isufi dhe vëllait të saj e kunatit të Bashës, Erion Isufi.

Sejamini shoqërohej nga Anxhela Çikopano e cila është larguar bashkë me të nga detyra.

Për këtë largim nuk ka patur asnjë deklaratë nga ana e Partisë Demokratike ashtu siç nuk pati edhe për afrimin e tyre në PD nga Basha.

Kujtojmë që pak ditë më parë lideri historik i PD-së Sali Berisha i cilësoi si mizerabël këshilltarët e Bashës në fushatën e zgjedhjeve të 25 qershorit. /Citynews





Lajmet e fundit nga