web counter
LEXO PA REKLAMA!

SHKARKO APP

App Store
Google Play

E fundit!

x

Parlamenti/ PD merr vendimin ‘ekstrem’

11 Shtator 2017, 13:57, Aktualitet CNA

Partia Demokratike ka bërë me dije se në vazhdimin e seancës parlamentare të parashikuar për në orën 18:00 të kësaj të hënë nuk do të vijojë normalisht rendin e ditës.

PD ka lajmëruar se në bazë të procedurës së rregullores së Parlamentit lejohen vetëm depozitimi i pyetjeve me shkrim pa të drejtë replike apo debate, prandaj ata kanë vendosur të mos i japin zë propagandës qeveritare.

?Eksperienca dhe historiku i këtyre seancave  ka treguar që, drejtimi i pyetjeve pa mundësi për debat  është keqpërdorur  për të marrë kohën e një propagande elektorale. Koha e përgjigjeve asnjëherë  nuk i ka shërbyer qartësimit programor për qytetarët, por ka favorizuar reklamën e propagandën e kryeministrit. Partia Demokratike do të bëjë opozitë të vërtetë dhe përmbajtësore.  Partia Demokratike nuk do t?i japë asnjë  shans kësaj maxhorance të keqpërdorë  kohën  në favor të publiciteteve varfëruese për shqiptarët.

Për rrjedhojë vendimi i Grupit Parlamentar i Partisë Demokratike, është të mos drejtojë pyetje që i japin mundësi propagandës qeveritare. Pyetjet dhe çështjet që shqetësojnë qytetarët do të ngrihen gjatë seancës së debatit ku secili deputet do të ketë mundësinë të mbrojë gjatë fjalës së tij qëndrimet dhe argumentet në favor të qytetarëve?,- bën me dije Partia Demokratike.

/Citynews





Lajmet e fundit nga