web counter
LEXO PA REKLAMA!

SHKARKO APP

App Store
Google Play

E fundit!

x

Sa vota merrte Gramoz Ruçi po të votonte LSI-ja?!

10 Shtator 2017, 08:57, Aktualitet CNA

Dje në parlament Gramoz Ruçi u zgjodh në krye të institucionit pas një votimi, ku numri dy i PS-së mori më shumë vota se sa pritej. LSI-ja dhe 19 deputetët e saj e bojkotuan procesin ndërkohë që të paktën 3 deputetë të PD-së votuan Gramoz Ruçin.

Bojkoti i deputetëve të Monika Kryemadhit nxorri zbuluar bashkëpunimin Rama ?Basha, i cili dje i çoi vota Gramoz Ruçit.

Kryeministri Edi Rama në prononcimin e tij pas procesit të votimit tha se LSI-ja zgjodhi të mos përballlej me rrjedhje votash.

Një fakt mjaft i vërtetë dhe këtë me gjysëm zëri e ka pranuar zonja Kryemadhi, kryetarja në detyrë e LSI-së. Në një qëndrim të saj të djeshëm ajo theksoi se deputetët e LSI-së nuk kishin asgjë me Gramoz Ruçin dhe zgjedhjen e tij, por me mazhorancën e re dalë nga zgjedhje të manipuluara. Pra, në rast se do të kishim lënë votim të lirë shumica e deputetëve të LSI-së do të kishin votuar Gramoz Ruçin.

Nga një analizë e thjeshtë rezulton se Gramoz Ruçi, në rast se do të votonte LSI-ja, mund të shkonte të paktën 90 vota. Së pari, sepse do ta votonin shumica e deputetëve të LSI-së, së dyti në qoftë se kjo forcë do të merrte pjesë në votim, delfinët e zgjedhur deputetë nga lista e Bashës do të ishin më të qetë dhe të pazbulueshëm.

Dje në zgjedhjet si kryetar i Kuvendit mori 80 vota, me LSI dhe delfinët e tjerë të Lulit mund të shkonte minimalisht me 90 të tilla./ CityNews





08:44 Aktualitet

Luli ik!

Dje parlamenti zgjodhi Gramoz Ruçin në krye për katër vite, ...

Lajmet e fundit nga