web counter
LEXO PA REKLAMA!

SHKARKO APP

App Store
Google Play

E fundit!

x

Berisha kryqëzon Lulzim Bashën

10 Shtator 2017, 12:26, Aktualitet CNA

Pas votimit të djeshëm të Gramoz Ruçit kryetar Parlamenti, edhe me votat e më së paku tre deputetëve të PD-së, përkundër dëshirës së Lulzim Bashës për ta anashkaluar skandalin, lideri historik Sali Berisha është shfaqur i ashpër në qëndrimin e tij.

I qenë prezent në mbledhjen e sotme të Grupit parlamentar të opozitës, Berisha jo vetëm që e ka stimuluar zbulimin deri në fund të këtij turpi, por nuk ka ngurruar të kryqëzoj edhe vetë Lulzim Bashën, për rrëshqitjen nga dora të situatës.

Burime nga mbledhja e Grupit i thanë Cityneës se lideri historik Berisha gjatë diskutimit  dukej i  lënduar nga skandali i djeshëm dhe megjithse Lulzim Basha ka tentuar ta anashkalojë si temë, duke e quajtur manipulimin vepër të Edi Ramës, Berisha ka drejtuar gishtin nga deputetët e Lulzim Bashës, duke theksuar se Gramoz Ruçi i ka blerë disa prej tyre.

Për të vijuar argumentin Berisha ka zgjedhur ti derdhet deputetit Ervin Salianji, i cili është njëherësh dhe sekretar i grupit parlamentar, edhe për faktin se ishte i pari që hodhi tezën e manipulimit të votave.

Berisha ka qenë i ashpër në artikulimin e frazave dedikuar Salianjit dhe mbështetësve të Bashës, që të urdhëruar nga ky i fundit dje në mbremje deklaronin manipulimin e votave.

?Ti s?mund të pronocohesh dhe të flasësh në emër të grupit pa u konsultuar më parë me grupin, sepse ka rregull. Unë nuk kam bindjen si ty që është manipuluar numërimi, unë kam bindjen që janë shitur, unë me ty ndahem? , kanë qenë fjalët e Berishës, i cili duke argumentuar më tej qëndrimin e tij, ka sqaruar se qëndrimi i mbajtur nga Salianji ishte i turpshëm.

?Kjo që thua ti s?ka ndodh në 27 vite demokraci, pra manipulimi i fletëve të votimit, ajo që ka ndodhur është shitja e deputetëve, siç ndodhi dhe dje. Deputetët i ka blerë Gramoz Ruçi, unë se di kush janë se po ti dija do jua thoja, por ju si kryesi grupi ndaj jeni, që të bëni arithmetikë dhe të llogarisni cdo gjë?, ka goditur Berisha , duke ju patur si tabelë qitjeje të drejtëpërdrejtë Ervin Salianjin, ndërkohë që  merret vesh se goditja  nuk është thjesht e vetëm ndaj këtij të fundit, por kryqëzim adresuar indirekt Lulzim Bashës dhe gjithë ushtarëve të tij të llojit Salianji të cilët me qëndrimin e tyre të djeshëm në parlament shënuan një turp të paparë të parlamentarizmit opozitar.

Berisha ka goditur një nga deputetët që mbajtën qëndrim pro manipulimit, por nuk ka lenë menjanë edhe Grida Dumën, Gent Strazimirin, Tritan Shehun etj që dolën me tezën se Rama manipuloi votat.  Ish kreu i PD theksoi se nuk mashtrohen mbështetësit, kur ska manipulim por ka ndodhur nshitja e deputetëve.

Ish-kryeministri Berisha ka qenë i qartë në qëndrimet e tij duke i dhenë një shuplakë të fortë Lulzim Bashës i cili dje në mbremje urdhëroi daljen e deputetëve të tij me skemën e manipulimit./Citynews





Lajmet e fundit nga