E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Moikom Zeqo/ “Më kërcënuan me jetë pas komenteve për mbulimin e Skënderbeut

5 Shtator 2017, 10:23, Aktualitet CNA

I ftuar në #DritaremeRudinën në Vizion Plus, arkeologu Moikom Zeqo ka thënë se myslimanët nuk duhet të ishin falur në Sheshin ?Skënderbej?.

Sipas tij, ata duhet të kishin zgjedhur një shesh tjetër, që nuk ka figura të tilla.

?Besimtarët myslimanë nuk mund të falen para një figure konkrete qoftë edhe Skënderbeu.

Sheshi ?Skënderbej? nuk mund të përdoret për ceremoni masive fetare.

Nuk duhet të përdoret kushtetueshmërisht. Këto rite fetare mund të bëhen në sheshe që nuk kanë një figurë të tillë idhujtare.

Çështja e Skënderbeut është një çështje e madhe dhe e ditur.

Jam i bindur që të gjithë e duan Skënderbeun.

Ai është një figurë që njihet në Kushtetutë. Është një figurë mbarëkombëtare dhe shtetërore. Ky problem teologjik që u krijua mund të shmangej. Duke zgjedhur një shesh tjetër. Çështja e Skënderbeut është një çështje që na bashkon dhe nuk na ndan?, tha Zeqo.

Ai tha se reagimet në rrjetet sociale kanë qenë të tmerrshme dhe pohoi se shumë njerëz e kanë kërcënuar pas reagimeve që ai ka bërë.

Zeqo u shpreh më tej se kjo çështje është manipuluar nga mediet.

?Kjo çështje nuk ka të bëjë me myslimanët e Shqipërisë. Ata kanë merita të jashtëzakonshme.

Një mysliman ishte ai që zgjodhi flamurin e Skënderbeut, siç ishte Ismail Qemali, ndërsa një mysliman tjetër shkruajti historinë e tij, siç ishte Naim Frashëri.

Në këtë çështje ka një manipulim mediatik.

Këtu ka një alergji të madhe ndaj Skënderbeut.

Çështja e Skënderbeut nuk është një çështje e thjeshtë.

Kanë 500 vjet që e sulmojnë, e quajnë antihero?, tha Zeqo.

Analisti Mentor Kikia tha se është tipike në Shqipëri, që pas çdo teze dalin njerëz dhe ndezin debatin, hapin librat, lexojnë studimet dhe shkrimet dhe plasin sharjet dhe polemikat

Sipas Kikisë, kështu ndodhi me Mustafa Nanon që tha se Vojsava, nëna e Skënderbeut, ishte me orgjinë serbe.

Ai u shpreh se po kështu do të ndodhte edhe me nënën e Ismail Qemalit, nëse do të dilte dikush dhe do ta quante kurvë.

Ndërsa historiani Pëllumb Xhufi është shprehur se ka disa njerëz që duan të përfitojnë nga kjo çështje. Sipas tij Skënderbeu nuk mund të privatizohet dhe myslimanët bënë mirë që u falën në sheshin ?Skënderbej?.

?Ka shumë reagime që më kanë irrituar për këtë çështje.

Sot lexova një shkrim, ku autori ngre pikëpyetjen se pse nuk shprehen myslimanët, duan të jenë shqiptarë ose jo.

Me këtë dua të them se ka hedhurina që duan të përfitojnë nga kjo çështje.

Skënderbeu nuk mund të privatizohet. Ai ka jetuar 60 vjet, ku 20 vjet ka qenë ortodoks, 20 vjet ka qenë mysliman dhe 20 vjet katolik.

Komuniteti Mysliman ka një anomali, nuk ka një vend ku të falet.

Për mua bëri mirë që e bëri faljen në shesh, sepse në bulevard mund të pengonte njerëzit. Edhe në perëndim ka ceremoni të tilla fetare.

Dua të theksoj gjithashtu që Komuniteti Mysliman ka mbajtur një qëndrim dinjitoz?, tha Xhufi.

/Citynews