web counter
LEXO PA REKLAMA!

SHKARKO APP

App Store
Google Play

E fundit!

x

Kapja e 2.3 tonëve drogë/ Basha sulmon Ramën dhe i kujton qeveritarët e përfshirë në krim

2 Shtator 2017, 14:27, Aktualitet CNA

Kryetari i Partisë Demokratike, Lulzim Basha ka reaguar pas lajmeve të ditës së sotme për kapjen e 2.3 tonëve drogë, në shtetin fqinj të Italisë.

Basha ka thënë se lufta kundër drogës e Edi Ramës është mashtrim, pasi ai mbron dhe promovon kokat e krimit të organizuar dhe bashkëpunëtorët e tij politikë.

Ai ka dhënë edhe dy emra të rëndësishëm në qeverinë shqiptare si të përfshirë në punë kriminale.

Ndërkohë që ka theksuar se opozita do të bëjë përpjekje për të vënë përpara përgjegjësisë çdo njeri që përfshihet në trafikun e drogës.

Postimi i plotë:

Ngarkesa prej 2,3 tonë drogë e kapur sot në Itali dëshmon një të vërtetë të hidhur: trumpetat e Edi Ramës për luftë kundër drogës janë vetëm mashtrime me qëllim tulatjen e qytetarëve dhe të komunitetit ndërkombëtar. Ndërkohë ai mbron dhe promovon kokat e krimit të organizuar dhe bashkëpunëtorët e tyre politikë. Ky në fakt është projekti PS+ i shpallur prej tij: PS+drogë+kriminelë+korrupsion.

Kjo faktohet edhe nga promovimi prej tij i Gramoz Rucit të cilit që nga 2005 qeveria amerikane i ka refuzuar hyrjen në SHBA për shkak të përfshirjes në krimin e organizuar dhe trafikun e drogës, dhe Fatmir Xhafës të përfshirë në mbrojtjen e të vëllait të dënuar nga Italia për trafikun ndërkombëtar të kokainës.

Opozita do të bëjë çdo përpjekje për ta vënë atë para përgjegjësisë personale për drogën dhe krimin. Por kjo betejë kërkon edhe përpjekjet e medias, intelektualëve dhe të gjithë qytetarëve. Të gjithë duhet të ngremë zërin dhe të ngrihemi kundër rrezikut të drogës para se të jetë vonë./CityNews

 

 

 

 





Lajmet e fundit nga