E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Tentativa e dështuar për të shpëtuar Tritan Shehun nga pengmarrja e lushnjarëve (Foto)

1 Shtator 2017, 20:24, Aktualitet CNA

I marrë peng prej protestuesve të revoltuar lushnjarë, të cilët kishin humbur paratë në fondacionin piramidal të Rrapush Xhaferrit, Tritan Shehu, së bashku me grupin e tij mbrojtës, dështoi në tentativën e parë për të shpëtuar.

Megjithse gjendej brenda rrethimit të stadiumit të futbollit të qytetit në një distancë jo shumë të largët nga helikopteri, që priste helikëndezur, Tritani e kishte të pamundur të shkonte drejt tij. Përse?

Ja si e përshkruan gazetari Xhovani Shyti skenën e tentativës së shpëtimit të Shehut në faqen 64 të librit të tij: ?Ditët e frikëshme të vitit ?97?:

?…Ministërzvendëskryeministri kërkoi ndihmë me zë të mekur. Disa nga të fortët e qytetit iu përgjigjën thirrjes së tij dhe e morrën nën mbrojtje. Ata ja dolën ta veçonin nga turma dhe ta fusnin në ambientet e brendëshme të stadiumit. Në momentin që helikopteri ndezi helikat dhe ministri së bashku me grupin shoqërues u pa të çanin turavrap përmes fushës, grupe të rinjsh u derdhën pas tyre, duke i goditur me gurë e shkopinj.

Duke e ndjerë rrezikun që mund ti kanosej piloti e ngriti helikpterin nga fusha para kohe dhe, pasi erdhi dy tre herë rrotull fushës,- pa i shpëtuar goditjes së gurëve,- u largua vetëtimthi në drejtim të kodrave të qytetit.

Grupi qeveritar që mbeti i zhgënjyer midis fushës, me shumë mundime, ia doli të rikthehej sërish në ambientet e dhomave të zhveshjes së stadiumit, duke marë mbi vete plagë të shumta. Sakaq shoqëruesit kishin humbur edhe radiot e tyre të komunikimit e nuk mund të bashkëbisedonin as me drejtuesit e helikopterit dhe as me qendrën në Tiranë. Tentativa e parë e daljes nga pengmarrja kishte dështuar, ndërsa ende nuk dihej se sa ajo do të vazhdonte…?.

* Fragmenti i mësipërm është eksluzivitet i CityNews. Botohet me leje të autorit. Nëse jeni i interesuar për ta blerë, librin e gjeni tek libraritë ? Adrion?, pranë Pallatit të Kulturës dhe ?Book Story? në qendrën tregtare TEG.