E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e e dytë e Këshillit Kombëtar...

Shenjat e një marrëdhënie abuzuese

1 Shtator 2017, 09:21, Aktualitet CNA

Çdo femër meriton të ndihet e sigurt në lidhjen e saj. Shumë femra nuk e dinë që poshtërimi, manipulimi, frikësimi, tradhtia janë abuzim, dhe jo vetëm dhuna fizike.

Abuzim konsiderohen një numër sjelljesh, kur një person synon të kontrollojë personin tjetër në një marrëdhënie, kjo mund të fillojë me abuzim verbal dhe emocional duke degjeneruar pastaj në dhunë fizike.

Ju jeni të abuzuar nëse marrëdhënia juaj përmban këto elemente:

Partneri juaj ju izolon nga familja dhe shokët
Sjelljet abuzuese janë kontrolluese. Partneri abuzues do të ju urdhërojë se me kë mund të shiheni dhe t? ju largojë nga njerëzit që ju doni.

Partneri ju kontrollon çdo minutë
Nëse partneri juaj ju thërret shpesh ai mund të jetë i kujdesshëm, por nëse ai do të dije ç’farë bëni, ku jeni ,me kë jeni, ç’do minutë, atëherë kjo konsiderohet sjellje abuzuese.

Partneri ju bën presion
Partneri abuziv bën presion që të bëni gjëra që ju nuk do t’i bënit me dëshirë.

Partneri kritikon çdo gjë që ju bëni
Duke ju vënë poshtë, duke ju bërë të ndiheni të pavlefshme, e thyer, e kërcënuar, madje dhe e frikësuar, keqtrajtuesi mundohet të ju tregojë se ai është në krye. Nëse parteri iu thotë çdo ditë që jeni e pavlerë ju do filloni ta besoni atë.

Partneri juaj ju turpëron
Nuk është e drejtë që partneri juaj t’iu ofendojë dhe shajë, as kur jeni vetëm e as para miqve dhe familjes. Nëse ndodh kështu atëherë kjo është pjesë e idesë së tij të sëmurë që ai të vendosë se si ju ndiheni dhe si ndihen të tjerët për ju duke ju ulur poshtë.

Ai injoron ndjenjat tuaja
Nëse një person ju dashuron ai do të kujdeset për mënyrën se si ju ndiheni. Edhe nëse ai nuk pajtohet me mendimin tënd, atij do t’i interesojë kur të shohë të lënduar.

Ai ju fajëson juve për veprat e tij
Fajësimi është shenja e parë e marrëdhënies abuzive. Ai do ju fajësojë ju për secilin dështim dhe ç’do ndjenjë të keqe që ai përjeton, edhe nëse nuk është e lidhur aspak me ju.

Ai nuk ndryshon
Nëse dikush ju lëndon pa dashje do të kërkojë falje. Por nëse dikush ju lëndon dhe vazhdimisht ju bën që ju të ndiheni fajtore atëherë ju jeni duke u abuzuar nga ai njeri./CityNews