E fundit!

12:34 Aktualitet

Dita e Ashures/ Mesazhi i Baba Mondit: Lutjet tona shkojnë për ata që vuajnë nga luftërat

Besimtarët bektashinj kanë kremtuar sot Ditën e Ashures, n...

Agron GJEKMARKAJ/ Z. Rama nise verifikimin me ministrat, deputetët, drejtorët, e drejtoreshat e tua

1 Shtator 2017, 08:40, Aktualitet CNA

Në një publikim të ditës së sotme, në përmbajtje të të cilit është mbledhja e kryeministrit Edi Rama me shefat e institucioneve ligjzbatuese dhe direktivat e këtij të fundit lidhur me luftën ndaj korrupsionit dhe kriminalitetit, Agron Gjekmarkaj i adreson një apel Kryeministrit.

Pa dashur të bëjmë komente po publikojmë më poshtë pjesën thelbësore të shkrim-opinionit të titulluar: ? Një rixha Kryeministrit për korrupsionin?, ku ndër të tjera shkruhet:

?Pardje Kryeministri mblodhi shefat e agjensive ligjzbatuese dhe u mbjati një fjalim të qashtër dhe të shkoqitur goxha mirë për korrupsionin dhe kriminalitetin. Këtyre fenomeneve të vesit me sa tha: ?timonieri?, duhet t?u dridhet toka nën këmbë nga shkundullimat, rrufetë, dhe zifti i përvëluar që shteti do të heshë mbi to pa mëdyshje, pa vonesë si kurrë më parë në historinë e kësaj republike me arna, por qejfleshë në guxim.

?I martuar? me popullin, i rehabilituar prej tij, pasi mori një mandat historik, Edi Rama po flet si një shef rishtar ekzekutivi. Ai shfaqet si i ardhur në krye të tij pas një opozite shekullore, gjatë së cilës ka zbuluar rrënjët e së keqes. Por mbi të gjitha le të kuptojë se ka në xhep edhe farërat për të mbjellur të mirën, pasi ta lërojë tokën e ligësisë me traktorin e ligjit.

Deklarata e Ramës tani, ndonëse e vërtetë, e rëndë dhe cinike. Duke e pohuar se ai po tenton t?i ikë përgjegjësisë dhe ta coptojë fajin mbi postat e policisë sikur hierarkia profesionale e politike të mos ketë ekzistuar kurrë.

Rama foli për biznese të paligjshme, për makina luksi, për prona të tjetërsuara, për korrupsion në zyrat e shtetit, të gjitha të vërteta. Nuk po e pyesim ç?bëre katër vitet e shkuara, do të na akuzonte se po i ndukim kohën padrejtësisht.

Sigurisht që Rama i njeh herët bashkëpunëtorët e vet në qeveri dhe në PS, administratorët lokalë dhe ata të zyrave qendrore. Le të fillojë verifikimin me ministrat, deputetët, drejtorët, e drejtoreshat e tij. Ta krahasojë jetën e tyre të 10 viteve më parë me atë të sotmen, vilat, shtëpitë, pronat, llogaritë bankare, kostumet, orët, unazat, makinat, pushimet, dhe ushëtimet në raport me rrogat që kanë marrë dhe marrin. Disa gjëra dallohen vetëm me sy, pa hetim të stërholluar. Nëse i rezultojën para djerse, të na informojë pse jo edhe me gëzim. Pasi ta kryejë me të vetët, ta bëjë me ishët e opozitës dhe yndyrën e saj, e cila konkurron me dinjitet pushtetin në këtë pikë?.

Ps: Titulli është i redaksisë së CityNews